GE

AML/CFT Policy

ფულის გათეთრებისა და ტერორიზმის დაფინანსების აღკვეთის ხელშეწყობის შესახებ პოლიტიკა (შემდგომ „AML/CFT პოლიტიკა")

(მოკლე აღწერა)

შპს „ვაითბით ჯორჯიას“ ფულის გათეთრებისა და ტერორიზმის დაფინანსების აღკვეთის ხელშეწყობის, აგრეთვე, „იცნობდე შენს კლიენტს“ პოლიტიკა (შემდგომ „AML/CFT პოლიტიკა“) მიზნად ისახავს არაკანონიერ აქტივობაში ჩართვის WhiteBIT Georgia-სთან ასოცირებული შესაძლო რისკების პრევენციას და მიტიგაციას.

საერთაშორისო და ადგილობრივი კანონები და რეგულაციები WhiteBIT Georgia-სგან მოითხოვს ეფექტიანი შიდა პროცედურებისა და მექანიზმების დანერგვას ფულის გათეთრების, ტერორიზმის დაფინანსების, ნარკოტიკისა და ადამიანის ტრეფიკინგის, მასობრივი განადგურების იარაღის გავრცელების, კორუფციისა და თაღლითობის და ა.შ. პრევენციისთვის, ასევე, მოქმედებას იმ შემთხვევაში, თუ მისი მომხმარებლები საეჭვო აქტივობებში არიან ჩართული.

განმარტებები:

ფულის გათეთრება ნიშნავს არაკანონიერი შემოსავლის ლეგალიზაციას, ანუ არაკანონიერი და/ან არადოკუმენტირებული ქონებისთვის კანონიერი ფორმის მიცემას (ქონების გამოყენება, შეძენა, ფლობა, გადაცვლა, გადაცემა ან სხვა ქმედება), რაც მიზნად ისახავს არაკანონიერი და/ან არადოკუმენტირებული წარმომავლობის დაფარვას და/ან სხვა პირის დახმარებას, თავიდან აირიდოს პასუხისმგებლობა, აგრეთვე, დაფაროს ან შენიღბოს ქონების ნამდვილი ბუნება, წარმომავლობა, ადგილმდებარეობა, განთავსება, მოძრაობა, საკუთრება და/ან მასთან დაკავშირებული სხვა უფლებები.

აღნიშნული მოიცავს, თუმცა არა მხოლოდ:

  • კრიმინალური აქტივობიდან მოპოვებული ქონების ან ამგვარი ქონების სანაცვლოდ მიღებული ქონების გადაცვლა ან გადაცემა, ცოდნით, რომ აღნიშნული ქონება წარმოშობილია კრიმინალური აქტივობის ან ამგვარ აქტივობაში მონაწილეობის საფუძველზე, რაც მიზნად ისახავს ქონების წარმომავლობის დამალვას ან შენიღბვას ან ისეთი პირის ხელშეწყობას სამართლებრივი შედეგების თავიდან არიდებაში, რომელიც ამგვარ აქტივობაშია ჩართული.
  • კრიმინალური აქტივობის შედეგად წარმოშობილი ქონების ან ამგვარი მის სანაცვლოდ მოპოვებული ქონების შეძენა, ფლობა ან გამოყენება მისი მიღებისას ცოდნით, რომ აღნიშნული ქონება წარმოშობილია კრიმინალური აქტივობის შედეგად ან ასეთ აქტივობაში მონაწილეობით;
  • ნამდვილი ბუნების, წყაროს, ადგილმდებარეობის, მოპყრობის, მოძრაობის, უფლების ან საკუთრების შესახებ ინფორმაციის დამალვა ან შენიღბვა კრიმინალური აქტივობის შედეგად წარმოშობილი ქონების ან მის სანაცვლოდ მოპოვებული ქონების შესახებ ცოდნით, რომ ასეთი ქონება წარმოშობილია კრიმინალური აქტივობის შედეგად ან ასეთ აქტივობაში მონაწილეობით.

ფულის გათეთრება ასევე გულისხმობს ზემოთ ჩამოთვლილი ნებისმიერი აქტივობის განხორციელებაში მონაწილეობას, განხორციელებაში თანამშრომლობას, განხორციელების მცდელობას და დახმარებას, წაქეზებას, ხელშეწყობას და კონსულტირებას.

ტერორიზმის დაფინანსება გულისხმობს ტერორიზმის აქტის დაფინანსებასა და მხარდაჭერას, აგრეთვე, მის განხორციელებას და ტერორიზმის მიზნით მოგზაურობის დაფინანსებასა და მხარდაჭერას.

ფულის გათეთრება პრედიკატი დანაშაულების გარდა საჭიროებს ცალკეულ სისხლისსამართლებრივ პასუხისმგებლობას. აღნიშნული გულისხმობს, რომ არაკანონიერი აქტივობების შედეგად წარმოშობილი ციფრული აქტივების წარმოშობის წყაროს დამალვა ცალკეულ, დამოუკიდებელ დანაშაულს წარმოადგენს, რომელიც წინამორბედი დანაშაულებრივი აქტივობის მიუხედავად ექვემდებარება სისხლისსამართლებრივ დევნას.

AML/CFT პოლიტიკა ფულის გათეთრების სამ ფუნდამენტურ ეტაპს ასახავს:

  • განთავსება: მოიაზრებს არაკანონიერად მოპოვებული თანხების ფინანსური სისტემაში ჩაშვებას;
  • დაშრევება: ფოკუსირებულია არაკანონიერი თანხების დაკავშირებული ფინანსური ტრანზაქციების მეშვეობით დისტანცირებაზე საკუთარი წყაროსგან კომუნიკაციის ხაზების გაბუნდოვნებით, მრავალ ანგარიშზე თანხის გადარიცხვით, ფინანსური ოპერაციებით ან იურისდიქციების გავლით, რაც მიზნად ისახავს წყაროს შენიღბვას.
  • ინტეგრაცია: გათეთრებული თანხის ლეგალურ ეკონომიკაში ხელახალი ჩაშვებით, რომელიც ინვესტიციების ან შენაძენების შედეგად აღარაა თავის არაკანონიერ წყაროსთან კავშირში, რადგან იქმნება კანონიერად მოპოვებული სიმდიდრის შთაბეჭდილება.

WHITEBIT GEORGIA-ს აქვს ნულოვანი ტოლერანტობა ფულის გათეთრებასთან, ტერორიზმის დაფინანსებასთან, კორუფციასა და მექრთამეობასთან, გადასახადების თავიდან არიდებასთან მიმართებით, პრედიკატი დანაშაულისგან დამოუკიდებლად.

WhiteBIT Georgia ვალდებულია, შეატყობინოს საქართველოს ფინანსური მონიტორინგის სამსახურს (ფმს) საქართველოს კანონმდებლობის შესაბამისად ინფორმაციის მიღებიდან ან გამოვლენიდან არაუგვიანეს ერთი სამუშაო დღის ვადაში. ეს ვალდებულება ვრცელდება, როდესაც არსებობს ცოდნა ან ვარაუდი, რომ აქტივი, მიუხედავად მისი ღირებულებისა, პირდაპირ ან არაპირდაპირ მოპოვებულია კრიმინალური აქტის ან ასეთ აქტივობაში მონაწილეობის შედეგად. ვალდებულება ასევე ვრცელდება, თუ ვიცით ან ვვარაუდობთ, რომ ეს აქტივები კავშირშია ტერორისტული აქტივობების დაფინანსებასთან საერთაშორისო AML სტანდარტების შესაბამისად.

ტერორიზმის დაფინანსება.

ტერორიზმის დაფინანსება გულისხმობს ტერორისტული აქტების ხელშეწყობისთვის განკუთვნილი ან განზრახ გამოყენებული თანხების განზრახ მიწოდებას ან შეგროვებას ნებისმიერი საშუალებით, პირდაპირ ან ირიბად. იგი მოიცავს ლეგიტიმურ იურიდიულ თუ ფიზიკურ პირებს, რომლებიც ფინანსურად მხარს უჭერენ ტერორისტულ აქტივობებს ან ორგანიზაციებს იდეოლოგიური, პოლიტიკური თუ სხვა მოტივაციით.

ტერორიზმის დაფინანსება ლეგიტიმური ბიზნესების თუ ფიზიკური პირების მიერ ხდება, რომლებმაც შეიძლება გადაწყვიტონ ტერორისტული აქტივობების ან ორგანიზაციების რესურსების დაფინანსება იდეოლოგიური, პოლიტიკური თუ სხვა მიზეზებით.

WhiteBIT Georgia ვალდებულია უზრუნველყოს, რომ მომხმარებლები:

  • არ არიან ტერორისტული ორგანიზაციები;
  • არ უწყობენ ხელს ტერორისტული ორგანიზაციების დაფინანსებას.

გადასახადების თავიდან არიდება, საგადასახადო თაღლითობა

გადასახადების თავიდან არიდება და საგადასახადო თაღლითობა განზრახი ქმედებების შედეგია, რომელიც მიზნად ისახავს სახელმწიფოს მიმართ ნაკისრი ვალდებულებების სრული ოდენობის გადახდისგან თავის არიდებას. აღნიშნული მოიცავს ცრუ ქმედებებს, რომლებიც მიზნად ისახავს საგადასახადო ვალდებულებების თავიდან არიდებას სრულად ან ნაწილობრივ. საგადასახადო თაღლითობა მოიცავს შეცდომაში შეყვანის განზრახვას და იდენტიფიცირებად მატერიალურ კომპონენტებს.

საგადასახადო თაღლითობის დანაშაული შეიძლება შეიცავდეს შემდეგს:

  • დეკლარაციებში ნებაყოფლობით ინფორმაციის გამოტოვება ან განზრახ შეცდომა;
  • დასაბეგრი ოდენობების დამალვა;
  • გადახდისუუნარობის ორგანიზება გადასახადების თავიდან ასარიდებლად; ან
  • სხვა ტაქტიკების გამოყენება საგადასახადო მოსაკრებლის ხელშესაშლელად.

მექრთამეობა და კორუფცია.

მექრთამეობა და კორუფცია მოიაზრებს ქმედებებს, სადაც პირი არასათანადოდ გასცემს შეთავაზებას, დაპირებას ან არასათანადო უპირატესობას, რათა გავლენა მოახდინოს სხვა პირის მოვალეობების შესრულებაზე. ეს არასათანადო უპირატესობა შეიძლება იყოს ფულადი ან არაფულადი სახით და მიზნად ისახავს, რომ მიმღებმა განახორციელოს, დააყოვნოს ან უგულებელყოს საკუთარი მოვალეობები კეთილსინდისიერებისა და პატიოსნების პრინციპების საწინააღმდეგოდ. შესაბამისად, პირის მიერ ამგვარი უპირატესობის მიღება საკუთარი პასუხისმგებლობების კონტექსტში კორუფციულ პრაქტიკას წარმოადგენს.

განსაკუთრებული ყურადღება უნდა მიექცეს პირებს, რომლებზეც კორუფციულ პრაქტიკაში ჩართულობის ეჭვია. აღსანიშნავია, რომ პირები, რომლებიც პირადი სარგებლის მიღების მიზნით იყენებენ თავიანთ გავლენებს სჩადიან ფულის გათეთრების დანაშაულს, როდესაც ამგვარად მიღებული თანხების დეპოზიტს ახორციელებენ ან მათ იყენებენ, ან საკუთარი ავტორიტეტული თანამდებობების მეშვეობით მიღებულ უპირატესობებს ფულად აქტივებად გარდაქმნიან.

AML/CFT და ეკონომიკური სანქციების რეგულაციები

ადგილობრივი რეგულაციები:

  • ფულის გათეთრებისა და ტერორიზმის დაფინანსების აღკვეთის ხელშეწყობის შესახებ საქართველოს კანონი
  • „ვირტუალური აქტივის მომსახურების პროვაიდერის საქართველოს ეროვნულ ბანკში რეგისტრაციის, რეგისტრაციის გაუქმებისა და რეგულირების წესის დამტკიცების თაობაზე" საქართველოს ეროვნული ბანკის პრეზიდენტის 2023 ბრძანება
  • ანგარიშვალდებული პირის მიერ გარიგების თაობაზე ინფორმაციის აღრიცხვის, შენახვისა და საქართველოს ფინანსური მონიტორინგის სამსახურისთვის წარდგენის წესის დამტკიცების შესახებ საქართველოს ფინანსური მონიტორინგის სამსახურის უფროსის ბრძანება
  • ვირტუალური აქტივის მომსახურების პროვაიდერის და მისი ადმინისტრატორების მიმართ ფულადი ჯარიმის ოდენობის განსაზღვრის, დაკისრებისა და აღსრულების წესის დამტკიცების თაობაზე" საქართველოს ეროვნული ბანკის პრეზიდენტის ბრძანება
  • საქართველოს ეროვნული ბანკის ზედამხედველობას დაქვემდებარებული ანგარიშვალდებული პირების მიერ სანქციათა რეჟიმების შესრულების წესის დამტკიცების თაობაზე" საქართველოს ეროვნული ბანკის პრეზიდენტის ბრძანება
  • ფულის გათეთრებისა და ტერორიზმის დაფინანსების აღკვეთის ხელშეწყობის შესახებ" საქართველოს კანონის მიზნებისათვის მაღალი რისკის იურისდიქციების ნუსხის დამტკიცების თაობაზე" საქართველოს ეროვნული ბანკის პრეზიდენტის ბრძანება
  • შეღავათიანი დაბეგვრის მქონე/ოფშორული ქვეყნების ჩამონათვალის" განსაზღვრის თაობაზე საქართველოს ეროვნული ბანკის პრეზიდენტის ბრძანება
  • საქართველოს ეროვნული ბანკის მიერ გაცემული სხვა ნორმატიული აქტები და წერილობითი ინსტრუქციები

საერთაშორისო რეგულაციები:

  • WhiteBIT Georgia შესაბამისობაშია სანქციების გაეროს, აშშ-ის, ევროკავშირისა და დიდი ბრიტანეთის, აგრეთვე სხვა სათანადო ორგანოების, სანქციების რეჟიმებთან და რეგულაციებთან, რაც კიდევ უფრო გამყარებულია ადგილობრივი კანონმდებლობით.
  • WhiteBIT Georgia ისწრაფის რეპუტაბელური საერთაშორისო ორგანიზაციების მიერ დადგენილ საუკეთესო პრაქტიკებთან შესაბამისობისკენ.

AML/CFT პოლიტიკა ფარავს შემდეგ საკითხებს:

  • შიდა კონტროლები;
  • შესაბამისობის კონტროლის სისტემის ფუნქციონირებისთვის პასუხისმგებელი პირი;
  • თანამშრომელთა სწავლება;
  • ვერიფიკაციის პროცედურები;
  • მონიტორინგი, რისკის შეფასება და რისკზე დამყარებული მიდგომა;
  • აკრძალული აქტივობები
  • სანქციების პოლიტიკა
  • მაღალი რისკის იურისდიქციები
  • რისკის ინდიკატორები (Red-flag-ები), უჩვეულო აქტივობა, უჩვეულო ქცევა ან საეჭვო ქცევა
  • შესწორებები და დასკვნითი დებულებები.

შიდა კონტროლები:

შიდა კონტროლის სტრუქტურიზებული სისტემა შევიმუშავეთ ფულის გათეთრებისა და ტერორიზმის დაფინანსების აღკვეთის ხელშეწყობის (შემდგომ „AML/CFT“) მოქმედ კანონმდებლობასა და რეგულაციებთან შესაბამისობისთვის, რომელიც, სხვა საკითხებთან ერთად, მოიცავს შემდეგს:

  • კლიენტის იდენტობის დადგენა და ვერიფიკაცია მოწოდებული ინფორმაციის საფუძველზე;
  • პოლიტიკურად აქტიური პირ (პეპ) კლიენტებთან მიმართებით სპეციალური რეჟიმის დანერგვა;
  • უჩვეულო აქტივობის იდენტიფიცირება და საეჭვო აქტივობის თაობაზე ანგარიშგების (STR) მომზადება.
  • კლიენტის დოკუმენტაციისა და ტრანზაქციული ისტორიის თაობაზე ინფორმაციის შენახვა.

შესაბამისობის კონტროლის სისტემის ფუნქციონირებისთვის პასუხისმგებელი პირი (შესაბამისობის ოფიცერი):

შესაბამისობის ოფიცერი არის WhiteBIT Georgia-ს მიერ სათანადოდ ავტორიზებული პირი, რომლის მოვალეობასაც წარმოადგენს AML/CFT ჩარჩოს განვითარება და ეფექტიანი დანერგვა. შესაბამისობის ოფიცერს ევალება AML/CFT პროცედურების ნებისმიერი დარღვევის თაობაზე მოხსენება და STR-ების შეგროვება და წარდგენა.

შესაბამისობის ოფიცრის მოვალეობაა ფულის გათეთრებისა და ტერორიზმის დაფინანსების აღკვეთის ხელშეწყობის მიმართულებით WhiteBIT Georgia-ს ყველა ასპექტის ზედამხედველობა, მათ შორის:

  • შიდა პოლიტიკისა და პროცედურების დანერგვა და განახლება მოქმედი კანონებისა და რეგულაციების შესაბამისად ყველა ანგარიშგებისა და ინფორმაციის მოსამზადებლად, მიმოსახილველად, წარსადგენად და შესანახად.
  • მომხმარებლების იდენტიფიკაციის შეგროვება და წარმოდგენილი ინფორმაციის ვერიფიკაცია.
  • ინფორმაციის მართვის სისტემის დანერგვა დოკუმენტაციის, ფაილების, ფორმებისა და ჩანაწერების სათანადოდ შესანახად და მოსაპოვებლად;
  • უჩვეულო ტრანზაქციებთან ან ფულის გათეთრებისა თუ ტერორიზმის დაფინანსების კუთხით გამოვლენილ საეჭვო გარემოებების მქონე ტრანზაქციებთან დაკავშირებით ინფორმაციის შეგროვება და ანალიზი;
  • ნებისმიერი უჩვეულო, საეჭვო აქტივობის მოკვლევა;
  • შესაბამის ორგანოებთან ანგარიშგებების წარდგენა ფულის გათეთრებისა თუ ტერორიზმის დაფინანსების კუთხით საეჭვო გარემოების შემთხვევაში;
  • სამართალდამცავებისთვის ინფორმაციის წარდგენა მოქმედი კანონებისა და რეგულაციების შესაბამისად;
  • შესაბამისობის კუთხით წერილობითი განცხადებების პერიოდული წარდგენა დირექტორთა საბჭოსთვის კანონმდებლობით წარმოქმნილ ვალდებულებებთან დაკავშირებით;
  • თანამშრომელთა სწავლების ორგანიზება; სხვა მოვალეობებისა და ვალდებულებების შესრულება კანონმდებლობის მოთხოვნებთან შესაბამისობასთან დაკავშირებით;
  • რისკის შეფასების რეგულარული განახლება.

შესაბამისობის ოფიცერი უფლებამოსილია, ითანამშრომლოს უფლებამოსილ სახელმწიფო ორგანოებთან, რომლებიც ჩართულია ფულის გათეთრების, ტერორიზმის დაფინანსებისა და სხვა არაკანონიერი აქტივობების პრევენციის საკითხებში.

ვერიფიკაციის პროცედურები:

WhiteBIT Georgia ნერგავს საკუთარ იდენტიფიკაცია-ვერიფიკაციის პროცედურებს AML/CFT ჩარჩოს სტანდარტების ფარგლებში.

WhiteBIT Georgia ახორციელებს იდენტიფიკაციასა და KYC შემოწმებებს მომხმარებელთან, კლიენტთან, კონტრაქტორთან საქმიანი ურთიერთობის დამყარებამდე.

პრევენციული ღონისძიებებისა და KYC პროცესში, ასევე, ანგარიშის გასახსნელად, პირის იდენტობის, პირის შესახებ მოწოდებული ინფორმაციისა და წარდგენილი დოკუმენტების ვერიფიკაცია უნდა მოხდეს და შემოწმდეს სანქციებისა და საკონტროლო სიებთან მიმართებით, მათ შორის პეპების სიასთან.

ამისათვის WhiteBIT Georgia იყენებს სპეციალურ ხელსაწყოებს, ვერიფიკაციისა და შემოწმების სტრუქტურიზებულ სისტემას. იურიდიულ პირებთან მიმართებით (მათ მესაკუთრეებთან/მეწილეებთან/ბენეფიციარ მესაკუთრეებთან და სხვა) WhiteBIT Georgia ატარებს სპეციალურ გაძლიერებულ პრევენციულ ზომებს, KYC-ს, შესაბამისობის პროცედურებს. WhiteBIT Georgia უზრუნველყოფს სპეციალურ გაძლიერებული იდენტიფიკაციის, KYC, პრევენციული ზომების, შესაბამისობის პროცედურებს პეპი მომხმარებლებისთვის, განურჩევლად მათი ბინადრობის ადგილისა.

მონიტორინგი, რისკის შეფასება და რისკზე დამყარებული მიდგომა:

WhiteBIT Georgia ახორციელებს მომხმარებელთა ტრანზაქციების მონიტორინგს, რისკის შეფასებას და საეჭვო აქტივობის გამოვლენას. აღნიშნული მიზნით გამოიყენება სპეციალური სისტემები, მათ შორის, მაღალი ხარისხის ხელსაწყოები.

WhiteBIT Georgia იყენებს რისკზე დამყარებულ მიდგომას ფულის გათეთრებისა და/ან ტერორიზმის დაფინანსების აღკვეთის ხელშეწყობისთვის. მომხმარებელთან მიმართებით AML/CFT პრევენციული ზომის დონის განსაზღვრაში მხარდასაჭერად გამოიყენება შესაბამისობის რისკის (დაბალი, საშუალო, მაღალი) პროფილის გამოთვლა თითოეული საქმიანი ურთიერთობის დამყარებისას, რომელიც ექვემდებარება მუდმივ რეკალკულაციას შემდგომ. AML/CFT შესაბამისობა უზრუნველყოფს, რომ მიმდინარე ტრანზაქციის მონიტორინგი ხდებოდეს, რათა გამოვლინდეს კლიენტის პროფილთან მიმართებით უჩვეულო ან საეჭვო ტრანზაქციები.

ერთი ან მეტი ტრანზაქციის უჩვეულობის გამოვლენა დამოკიდებულია სუბიექტურ შეფასებაზე კლიენტის შესახებ ცოდნასთან (KYC), მათ ფინანსურ ქცევასთან და ტრანზაქციის კონტრაჰენტთან მიმართებით. თუ ტრანზაქცია არ შეესაბამება ნაცნობ კლიენტისთვის ჩვეულ აქტივობებს ან ქცევებს, აღნიშნული ტრანზაქცია შეიძლება საეჭვოდ იქნეს მიჩნეული. მონაცემთა და ტრანზაქციების მონიტორინგის ხელსაწყოები გამოიყენება კლიენტის აქტივობის უჩვეულო/იშვიათი ქცევის დასადგენად.

მიმოხილვისა და მოკვლევის შემდეგ შესაბამისობის ოფიცერი გადაწყვეტს საჭიროა თუ არა STR-ის წარდგენა. სათანადო სამსახურისთვის STR-ის წარდგენის შემდეგ ხდება წარდგენილი დოკუმენტაციის შენახვა. STR-ის წარდგენა კონფიდენციალურია და მხოლოდ მოკვლევასა და წარდგენის პროცესში ჩართულ WhiteBIT Georgia-ს თანამშრომლებს ეცოდინებათ მის შესახებ. ყველა ინფორმაცია ინახება არანაკლებ (5) წლის ვადით და ხელმისაწვდომია უფლებამოსილი შემფასებლის, მარეგულირებლის ან სამართალდამცავი ორგანოს ოფიციალური მოთხოვნის შემთხვევაში. WhiteBIT Georgia-ს სტაფის ნებისმიერმა წევრმა უნდა შეატყობინოს შესაბამისობის ოფიცერს ნებისმიერი ატიპური ტრანზაქციის შესახებ, რომელსაც გამოავლენს და ვერ მიუსადაგებს კანონიერ აქტივობას ან კლიენტის თაობაზე ნაცნობ შემოსავლის წყაროს.

პრევენციულ ზომებს ვახორციელებთ საქმიანი ურთიერთობის დამყარებისას, პრევენციული ზომების განხორციელებისას შეგროვებული ინფორმაციის ვერიფიკაციისას ან შეგროვებული დოკუმენტებისა თუ მონაცემების საკმარისობისა თუ სანდოობის საეჭვოობისას შესაბამისი მონაცემების განახლებისას; ფულის გათეთრების ან ტერორიზმის დაფინანსების შესახებ ეჭვის არსებობისას, აგრეთვე, ზოგიერთ სხვა შემთხვევაში, მათ შორის, როდესაც კონკრეტულ შემთხვევებს განსაზღვრავს კანონმდებლობა და შიდა პროცედურებით გათვალისწინებული რისკის იდენტიფიკატორების (red flag) იდენტიფიცირება ხდება.

მონაცემების შენახვა:

საქმიანი ურთიერთობის შეწყვეტიდან არანაკლებ ხუთი წლით ვინახავთ დოკუმენტების ორიგინალებს ან ასლებს, რომლებიც წარმოადგენს პირის იდენტიფიკაციისა და ვერიფიკაციის საფუძველს და დოკუმენტებს, რომლებიც წარმოადგენს საქმიანი ურთიერთობის დამყარების საფუძველს. ტრანზაქციის განხორციელებიდან ან ანგარიშგების შესრულების ვალდებულებიდან ტრანზაქციასთან დაკავშირებით მომზადებულ დოკუმენტებს ვინახავთ მონაცემთა ნებისმიერ მედიუმზე და შეტყობინების ვალდებულებასთან დაკავშირებულ დოკუმენტებს და მონაცემებს არანაკლებ ხუთი წლის ვადით.

საქმიანი ურთიერთობის მონიტორინგი მოიცავს შემდეგს:

  • საქმიანი ურთიერთობის ფარგლებში განხორციელებული ტრანზაქციების შემოწმება, რომ უზრუნველყოფილი იყოს ტრანზაქციების შესაბამისობა კლიენტის შესახებ ჩვენს ცოდნასთან, მის აქტივობებთან და რისკის პროფილთან;
  • პრევენციული ზომების გატარებისას მოპოვებული შესაბამისი დოკუმენტების, მონაცემების ან ინფორმაციის რეგულარული განახლება;
  • ტრანზაქციის ფარგლებში გამოყენებული თანხების წყაროსა და წარმომავლობის დადგენა; მეტი ყურადღების გამახვილება ტრანზაქციებზე, რომლებიც სავარაუდოდ დაკავშირებულია ფულის გათეთრებასთან ან ტერორიზმის დაფინანსებასთან, მათ შორის კომპლექსურ, მაღალი ღირებულების და უჩვეულო ტრანზაქციებსა და ტრანზაქციების ერთობლიობაზე, რომლებსაც არ აქვს გონივრული ან ხილული ეკონომიკური თუ კანონიერი მიზნობრიობა ან არ არის შესაბამისი საქმიანობისთვის დამახასიათებელი;
  • მეტი ყურადღების დათმობა საქმიან ურთიერთობებზე ან ტრანზაქციებზე, სადაც კლიენტი (ან კლიენტის გადახდის პროვაიდერი, სხვა) მაღალი რისკის მესამე იურისდიქციიდან ან იურისდიქციიდან თუ ტერიტორიიდანაა, რომელიც კანონმდებლობით განსაზღვრულია, როგორც გეოგრაფიული რისკის მომეტების ფაქტორ(ებ)ის მქონე.

აკრძალული აქტივობები.

WhiteBIT Georgia რეგულარულად მიმოიხილავს აქტივობებს, რომლებიც აკრძალულია. WhiteBIT Georgia კრძალავს ნებისმიერ ოპერაციას, რომელიც დაკავშირებულია შემდგომ აქტივობებთან:

  • ნარკოტიკები და ნარკოტიკებთან დაკავშირებული ატრიბუტიკა (მაგ. ნარკოტიკები, კონტროლირებადი ნივთიერებები და ნებისმიერია აღჭურვილობა, რომელიც ნარკოტიკების დასამზადებლად ან მოხმარებასთანაა დაკავშირებული);
  • მარიხუანას/კანაფის დისპენსერები და მათთან დაკავშირებული პროდუქტები და საქმიანობები;
  • იარაღი, საბრძოლო მასალა, დენთი და სხვა ასაფეთქებელი ნივთიერებები (მათ შორის ფოიერვერკი);
  • ტოქსიკური, აალებადი და რადიოაქტიული ნივთიერებები;
  • ფსევდოფარმაცევტული საშუალებები, ნივთიერებები, რომლებიც შექმნილია უკანონო ნარკოტიკების იმიტაციისთვის;
  • სექსუალური ხასიათის კონტენტი, სექსუალური ხასიათის სერვისები;
  • პირამიდული და საინვესტიციო სქემები, მრავალდონიანი მარკეტინგული სქემები და სხვა უსამართლო, მტაცებლური ან შეცდომაში შემყვანი პრაქტიკა;
  • სპეკულაციის ან ჰეჯირების მიზნებისთვის გამოყენებული ერთეულები (მაგალითად, დერივატივები);
  • საკრედიტო და ინკასოს მომსახურება;
  • ერთეულები, რომლებიც არღვევს ინტელექტუალური საკუთრების უფლებებს, როგორიცაა საავტორო უფლებები, სავაჭრო ნიშნები, სავაჭრო საიდუმლოებები ან პატენტები, მათ შორის გაყალბებული ან არაავტორიზებული საქონელი;
  • სახელმწიფოების მიხედვით სხვადასხვა სამართლებრივი სტატუსის მქონე პროდუქტები და სერვისები;
  • ტრანზაქციები, რომლებიც მესამე პირთა პერსონალურ ინფორმაციას ამჟღავნებს მოქმედი კანონმდებლობის დარღვევით;
  • ღრუბლოვან მაინინგთან დაკავშირებული ტრანზაქციები;
  • სანქცირებული პირების ჩართულობით ტრანზაქციები;
  • ტრანზაქციები პოლიტიკურად აქტიურ პირებთან (პეპებთან) ან ნებისმიერი სხვა ტრანზაქცია, რომელიც შეიცავს კორუფციის ელემენტებს;
  • ანონიმიზების სერვისები (მაგ. კრიპტომიქსერების, ტუმბლერების ან სხვა ტექნოლლოგიების გამოყენება, რომლებიც ტრანზაქციის წარმომავლობის დაფარვას ისახავს მიზნად);
  • დარქნეტის მარკეტპლეისის ტრანზაქციები (მაგ. არაკანონიერ საქონელთან ან სერვისებთან დაკავშირებუკლი ნებისმიერი აქტივობა);
  • NFT ვოშ ტრეიდინგი და ტოკენების შემცველი თაღლითური სქემები (მაგ. ბაზრის მანიპულაცია ხელოვნურად წარმოქმნილი სავაჭრო მოცულობებით);
  • AI-ს მიერ გენერირებული თაღლითობით და დიფ ფეიკით გამოწვეული ფინანსური თაღლითობა (მათ შორის, სინთეტიკური იდენტობით თაღლითობა და ყალბი საინვესტიციო სქემები);
  • ულიცენზიო ფინანსური სერვისები (მაგ. პირებს შორის (peer-to-peer) სესხის გაცემა, ოფშორული ბროკერები და არაავტორიზებული ფულადი გზავნილების მომსახურება);
  • დასაჰაკი ხელსაწყოების, მოპარული მონაცემების ან კიბერუსაფრთხოების დარღვევების გაყიდვა ან რეკლამირება;
  • ნებისმიერი სხვა ბიზნესსაქმიანობა, რომელიც, ჩვენი ერთპიროვნული დისკრეციით, სცდება ჩვენი რისკის აპეტიტის ფარგლებს.

WhiteBIT Georgia-ს მკაცრი ნულოვანი ტოლერანტობის მიდგომა აქვს სანქცირებული ინდივიდების, პირების ან პლატფორმების ჩართულობით განხორციელებულ ტრანზაქციებთან მიმართებით, რომლებიც ცნობილია არაკანონიერი აქტივობების ხელშეწყობის კუთხით. აღნიშნული მოიცავს, თუმცა არა მხოლოდ: Garantex, Hydra Market, Tornado Cash, Lazarus Group, ChipMixer, Blender.io, Sinbad.io, Samourai Wallet, Evil Corp და მსგავსნი. ნებისმიერ ამგვარ სანქცირებულ პირთან ან მსგავს ოპერაციაში ჩართულობა, რომელსაც გამოავლენს მარეგულირებელი ორგანო, გამოიწვევს მყისიერ ქმედებას (თუმცა არა მხოლოდ) ანგარიშის შეჩერების, ტრანზაქციის უარყოფით, თანხების გაყინვით და სამართალდამცავი ორგანოებისთვის ანგარიშგების წარდგენის სახით. WhiteBIT Georgia სრულად შესაბამისობაშია გლობალური მარეგულირებელი ორგანოების მიერ დაწესებულ საერთაშორისო სანქციებთან.

სანქციების პოლიტიკა.

ფულის გათეთრებისა და ტერორიზმის დაფინანსების აღკვეთის ხელშეწყობის და მოქმედი კანონმდებლობისა და რეგულაციების შესაბამისობის, აგრეთვე, საერთაშორისო ფინანსური სანქციების კუთხით ჩვენი ძლიერი მისწრაფების შესაბამისად, WhiteBIT Georgia ატარებს მკაცრ სანქციების პოლიტიკას სანქცირებული პირების ან სანქციების შესაძლო დარღვევების შემცველი ტრანზაქციების გაყინვით, ასევე, ჩვენი სერვისების შეჩერებით/შეწყვეტით მომხმარებლებისთვის, რომლებიც ამგვარ აქტივობებში არიან ჩართული.

WhiteBIT Georgia ყველა მოთხოვნილ ნაბიჯს ასრულებს, რათა უზრუნველყოს, რომ ყველა მომხმარებელი, ვისთანაც დამყარებულია საქმიანი ურთიერთობა, იყოს შემოწმებული შესაბამის გამოქვეყნებულ სიებში: OFAC — სანქციადაკისრებულ პირთა სია (SDN); ევროკავშირის ფინანსური სანქციები; დიდი ბრიტანეთის ფინანსური სანქციები (HMT); ინტერპოლის ძებნილთა სია; მრეწველობისა და უსაფრთხოების ბიურო (აშშ); სახელმწიფო დეპარტამენტი; AECA-ს ტენდერებში მონაწილეობის აკრძალვის მქონე პირთა სია (აშშ); სახელმწიფო დეპარტამენტი, გაუვრცელებლობის სანქციები (აშშ) და სხვა.

WhiteBIT Georgia უზრუნველყოფს შესაბამისობას ყველა მარეგულირებელი, სამართლებრივი,, ეკონომიკური და ფინანსური სანქციის მოთხოვნებთან და საქმიანი ურთიერთობის დამყარებამდე და ურთიერთობის მიმდინარეობისას სანქციების შემოწმებას ყველა მომხმარებელსა და მესამე პირზე.

WhiteBIT Georgia-ს სანქციებ ის პოლიტიკა მკაცრად კრძალავს მომხმარებელთა ნებისმიერ ჩართულობას ფულის გათეთრებასა თუ ტერორიზმის დაფინანსებაში. აღნიშნული ვრცელდება, როდესაც WhiteBIT შეიტყობს ან ეჭვობს ასეთ აქტივობებში პოტენციურ მონაწილეობას ან როდესაც მომხმარებლის ურთიერთობა წარმოადგენს სანქციების მიუღებელ რისკს.

თუ WhiteBIT Georgia-ს აქვს გაურკვევლობა მომხმარებლის პოტენციურ სტატუსთან მიმართებით ფინანსური სანქციების კუთხით ან ეჭვობს, რომ მომხმარებლის კონკრეტული ტრანზაქცია არღვევს ფინანსურ სანქციებს, WhiteBIT Georgia დააინიცირებს შეჩერების პროცედურას და განახორციელებს პრევენციულ ზომებს, მათ შორის:

  • დამატებითი ინფორმაციის შეგროვებას მომხმარებლის ფინანსურ სანქციებში პოტენციური ჩართულობის ან ტრანზაქციისა თუ აქტივობის ფარგლებში ფინანსური სანქციების პოტენციური დარღვევის შესახებ. აღნიშნული მოიცავს მონაცემების, დოკუმენტების ან ინფორმაციის სანდო და დამოუკიდებელი წყაროს საფუძველზე ვერიფიკაციას.
  • საქმიანი ურთიერთობის, ტრანზაქციის ან აქტივობის ბუნებისა და მიზნობრიობის დამატებითი დეტალების მოპოვებას. WhiteBIT Georgia-მ შეიძლება მოითხოვოს დამატებითი დოკუმენტაცია მომხმარებლისგან, როგორიცაა თანხის წარმომავლობა/დასტური ან ტრანზაქციის წარმომავლობის დასტური, მაიდენტიფიცირებელი დოკუმენტები, ფოტო/ვიდეო-ვერიფიკაციის მასალები, ე.წ. „liveness“ შემოწმება და მოახდინოს აღნიშნული მასალების სანდო და დამოუკიდებელი წყაროების საფუძველზე ვალიდაცია.
  • შემთხვევებში, როდესაც წინამდებარე სანქციების პოლიტიკის დარღვევის რისკი ან ეჭვი დგას, WhiteBIT Georgia მკაცრად მიმართავს გაძლიერებულ პრევენციულ ზომებს.
  • გაყინოს საერთაშორისო ფინანსური სანქციების სუბიექტის თანხები და ეკონომიკური რესურსები და შეაჩეროს ან შეწყვიტოს მომხმარებლის წვდომა WhiteBIT Georgia-ს პროდუქტებსა და სერვისებზე.

თუ პრევენციული ზომების განხორციელების შემდეგ WhiteBIT Georgia დაადასტურებს, რომ მომხმარებელი ნამდვილად ფინანსური სანქციების სუბიექტია ან ასეთი მომხმარებლის ტრანზაქცია ან აქტივობა არღვევს ფინანსურ სანქციებს, ან თუ გაძლიერებული პრევენციული ზომების შედეგად მოპოვებული დამატებითი ინფორმაცია არ იძლევა აღნიშნულის დანამდვილებით განსაზღვრის საშუალებას, ან ფინანსური სანქციების სავარაუდო დარღვევის შემთხვევაში, WhiteBIT Georgia გაყინავს ასეთ ტრანზაქციაში მონაწილე თანხებს და შეაჩერებს მომხმარებლის ანგარიშს, ამასთან, დაუყოვნებლივ წარადგენს ანგარიშგებას ასეთი მიგნებების ან ეჭვის შესახებ სათანადო მარეგულირებელ ორგანოებთან.

ამასთან, თუ პრევენციული ზომების პროცედურისას WhiteBIT Georgia დააიდენტიფიცირებს, რომ მომხმარებლის ტრანზაქცია ან ოპერაცია მოიცავს სანქცირებულ პირს ან სანქციებთან დაკავშირებულ სხვა მესამე პირს — როგორიცაა სანქცირებული პირისგან ან მასთან დაკავშირებული მესამე პირისგან დეპოზიტი — აღნიშნულ ტრანზაქციაზე და/ან ოპერაციაზე მომხმარებელი სრულად პასუხისმგებელია, იღებს სრულ პასუხისმგებლობას მის განხორციელებაზე, ოპერაციასთან დაკავშირებულ შემდგომ პრევენციულ ზომებზე, აღნიშნულ ტრანზაქციაში მონაწილე თანხების პოტენციურ გაყინვაზე და მომხმარებლის ანგარიშის შემდგომ შეჩერებაზე.

მაღალი რისკის იურისდიქციები.

სახელმწიფო და საერთაშორისო ორგანოები გამოსცემენ ქვეყნების შესახებ დეტალებს, რომელთა ფინანსური ან სოციალური სისტემები სავარაუდოდ განაპირობებს ფულის გათეთრების მაღალ რისკს. წესები მოითხოვს დამატებითი პრევენციული ღონისძიებების განხორციელებას, როდესაც ასეთი ქვეყნებიდან ინდივიდებთან თუ მომავალ ფულთან გვაქვს შეხება. ამასთან, წესები მოითხოვს, რომ ეს ზომები გატარდეს ეროვნული თუ საერთაშორისო ორგანოების მიერ გამოყოფილი კონკრეტული ნაკლოვანებების გათვალისწინებით.

WhiteBIT Georgia-ს პროდუქტების/სერვისების გამოყენება აკრძალულია მოცემული ქვეყნების (ტერიტორიების) და იურისდიქციების მოქალაქეებთან და/ან ბინადრებთან მიმართებით*: ავღანეთი, ამერიკის სამოა, აშშ-ის ვირჯინის კუნძულები, გუამის ტერიტორია, ირანი, იემენი, ლიბია, პალესტინის სახელმწიფო, პუერტო რიკო, სომალი, კორეის სახალხო დემოკრატიული რესპუბლიკა, ჩრდილოეთ მარიანას კუნძულები, აშშ, სირია, რუსეთის ფედერაცია, ბელორუსიის რესპუბლიკა, სუდანის რესპუბლიკა, დნესტრისპირეთი, საქართველოს დროებით ოკუპირებული ტერიტორიები, ჩრდილოეთ კვიპროსის თურქული რესპუბლიკა, დასავლეთ საჰარა, ამბაზონიის ფედერაციული რესპუბლიკა, კოსოვო, სამხრეთ სუდანი, კანადა, გაერთიანებული სამეფო, ტრინიდადი და ტობაგო, ვენესუელა, მიანმარი და უკრაინის დროებით ოკუპირებული ტერიტორიები.

*გაითვალისწინეთ, რომ ზემოთ მოცემული აკრძალული და მაღალი რისკის იურისდიქციების სია მუდმივად ექვემდებარება WhiteBIT Georgia-ს მიერ მიმოხილვას მოქმედი კანონმდებლობისა და რეგულაციების გათვალისწინებით და, შესაბამისად, თქვენი პასუხისმგებლობაა, გადაამოწმოთ ჩვენს ვებსაიტზე არსებული უახლესი ვერსია.

მაღალი რისკის იურისდიქციების ნუსხასა და ოფშორული ქვეყნების სიას განისაზღვრება საქართველოს ეროვნული ბანკის პრეზიდენტის ბრძანებით. ამ ქვეყნების მოქალაქეებთან და/ან ბინადრებთან საქმიანი ურთიერთობის დამყარებისას კლიენტის მიმართ გამოყენებულ უნდა იქნეს გაძლიერებული პრევენციული ზომები (EDD).

რისკის ინდიკატორები (Red-flag-ები), უჩვეულო აქტივობა, უჩვეულო ქცევა ან საეჭვო ქცევა

ტრანზაქცია, რომელზეც შეიძლება მოიცავდეს რისკის ინდიკატორებს (Red-flags), უჩვეულო აქტივობას, უჩვეულო ქცევას ან საეჭვო ქცევას, ხშირად განსხვავდება მომხმარებლისთვის ჩვეული ლეგიტიმური საქმიანობისგან ან პირადი აქტივობებისგან, ან ჩვეული ტრანზაქციებისგან, რომელიც კონკრეტული მომხმარებლის პროფილისთვის დამახასიათებელია. ამრიგად, იდენტიფიკაციის ძირითადი ელემენტი მომხმარებლის საქმიანობის თაობაზე სათანადო ცოდნის ქონაა, რათა გამოვლინდეს უჩვეულო ან არარეგულარული ტრანზაქცია ან ტრანზაქციების ერთობლიობა.

WhiteBIT Georgia მოიპოვებს თანხების წარმომავლობის დამადასტურებელ ინფორმაციას და ბენეფიციარი მესაკუთრის იდენტობის შესახებ ინფორმაციას მომხმარებლებისგან. ამასთან, მოიპოვება ინფორმაცია თანხების წარმომავლობისა და ტრანზაქციების მიზნობრიობის თაობაზე.

მართალია, თანხების წარმომავლობის დადასტურების ხელშემწყობი დოკუმენტი (მაგ. საბანკო ამონაწერი, ნაღდი ფულის დეკლარაცია) შეიძლება იყოს მოწოდებული, მხოლოდ იგი შეიძლება არ იყოს საკმარისი თანხების წარმომავლობის დასადგენად. მომხმარებლის მიერ წარმოდგენილი დეკლარაციები ან განცხადებები საქმიანი ურთიერთობის ფარგლებში შეიძლება არ იყოს მიჩნეული საკმარისად.

თუ WhiteBIT Georgia მომხმარებლის მხრიდან დაბრკოლებებს წააწყდება, რომელიც უარს იტყვის სათანადო დამადასტურებელი ინფორმაციის წარდგენაზე საქმიანი თუ პროფესიული საიდუმლოების საფუძველზე, WhiteBIT Georgia აღნიშნულს მიიჩნევს კითხვების დასმისთვის საფუძვლად. ამ შემთხვევაში კვლავ ძალაშია ეჭვები, რაც ბადებს კითხვებს, რადგან არ აღმოიფხვრა ეჭვები.

AML/CFT სფეროში, საერთაშორისო კანონები და რეგულაციები მიუთითებს ყველა ზემოხსენებულ შესაბამისობის პროცედურებთან შესაბამისობაზე, მათ შორის, AML/CFT პოლიტიკის ფარგლებში ყველა დამატებითი დოკუმენტაციისა და ინფორმაციის მოპოვებაზე მომხმარებლებისგან.

შესწორებები და დასკვნითი დებულებები.

AML/CFT პოლიტიკა ძალაში შედის ჩვენს ვებსაიტზე გამოქვეყნების დღიდან და ძალაში დარჩება, გარდა მომავალში მის დებულებებში შეტანილი ნებისმიერი ცვლილებისა, რომელიც ძალაში შევა და ამოქმედდება ვებსაიტზე გამოქვეყნებისთანავე.

შეიძლება განვაახლოთ და/ან შევცვალოთ წინამდებარე AML/CFT პოლიტიკის წესები და თქვენი პასუხისმგებლობაა წინამდებარე დოკუმენტის ყველა შესაბამისი განახლების მონიტორინგი.

თუ არ ეთანხმებით წინამდებარე AML/CFT პოლიტიკას, თავი უნდა შეიკავოთ ჩვენი ვებსაიტის, მობილური აპლიკაციის და/ან სერვისების გამოყენებისგან ან ანგარიშის გახსნისგან. წინამდებარე AML/CFT პოლიტიკა ჩვენი მომხმარებლის ხელშეკრულების განუყოფელი ნაწილია.

წინამდებარე AML/CFT პოლიტიკის თაობაზე კითხვების შემთხვევაში მიმართეთ ჩვენს AML დეპარტამენტს ელფოსტაზე: aml@whitebit.ge.