წესები და პირობები

მომხმარებლის ხელშეკრულება

ამ ვებგვერდის გამოყენებით, WhiteBIT პლატფორმაზე ანგარიშის შექმნით, ან WhiteBIT პლატფორმაზე არსებული WhiteBIT-ის სხვა მომსახურებით სარგებლობით, აცხადებთ თანხმობას უპირობოდ შეასრულოთ ქვემოთ მოცემული საჯარო ელექტრონული მომხმარებლის ხელშეკრულება (შემდგომში - „მომხმარებლის ხელშეკრულება").

ამ ვებგვერდით ან WhiteBIT-ის მომსახურებებით სარგებლობამდე, სრულად უნდა გაეცნოთ მომხმარებლის ხელშეკრულებას.

ამ ხელშეკრულებაში, WhiteBIT ან „კომპანია" წარმოადგენს შპს "ვაითბით ჯორჯია"-ს, ვირტუალური აქტივების მომსახურების პროვაიდერს, რომელიც დაფუძნებულია საქართველოს კანონმდებლობის შესაბამისად (საიდენტიფიკაციო კოდი: 405520217) და საქართველოს ეროვნული ბანკის მიერ რეგისტრირებულია როგორც ვირტუალური აქტივების მომსახურების პროვაიდერი, რეგისტრაციის ნომრით: 0007-9404. კომპანია მომსახურების გაწევას ახდენს ამ ვებგვერდიდან: https://whitebit.ge (შემდგომში „ვებგგვერდი" ან „პლატფორმა").

https://whitebit.ge -ზე განთავსებული ამ ხელშეკრულების ტექსტი შეიცავს WhiteBIT-ის საჯარო შეთავაზების ყველა არსებით პირობას, მომსახურებებით და პლატფორმით სარგებლობის წესს.

მომხმარებლის ხელშეკრულების ძირითადი და განუყოფელი ნაწილებია:

1. ფულის გათეთრების და ტერორიზმის დაფინანსების აღკვეთისა და იცნობდე შენს კლიენტს პოლიტიკა (შემდგომში AML/CFT პოლიტიკა),
2. კონფიდენციალურობის პოლიტიკა,
3. დელისტინგი/პლატფორმიდან აღების პოლიტიკა (თუ ასეთი პოლიტიკა პლატფორმაზე ამ მომხმარებლის ხელშეკრულებისგან დამოუკიდებლადაა გამოქვეყნებული) და
4. საკომისიოები.

პლატფორმაზე ანგარიშის შექმნით ან/და პლატფორმაზე ან რომელიმე მომსახურებაზე წვდომით ან მათი გამოყენებით ადასტურებთ, რომ გაეცანით და სრულად ეთანხმებით ამ ხელშეკრულებას, რომელშიც პერიოდულად შედის განახლებები და შესწორებები. იმ შემთხვევაში, თუ არ ეთანხმებით ამ მომხმარებლის ხელშეკრულებას ან შემდგომ ცვლილებას ან განახლებას, არ გაქვთ რომელიმე მომსახურებით სარგებლობის უფლება და რომელიმე მომსახურებაზე წვდომის ან სარგებლობის შემთხვევაში, ეს ხელშეკრულება, პერიოდული ცვლილებებით და დამატებებით, თქვენთვის შესასრულებლად სავალდებულო გახდება; თუ არ გსურთ ამ ხელშეკრულების პირობების შესრულება, გთხოვთ შეწყვიტოთ მომსახურებით/პლატფორმით სარგებლობა.

გთხოვთ მომსახურებებით სარგებლობამდე გაეცნოთ ამ ხელშეკრულებას. WhiteBIT-ის მიერ შემოთავაზებული მომსახურებებით და პროდუქტებით სარგებლობით აცხადებთ თანხმობას ამ ხელშეკრულებაზე. პლატფორმაზე ანგარიშის შექმნისას, დადასტურების ველზე დაჭერით, აცხადებთ უპირობო თანხმობას მომხმარებლის ხელშეკრულების პირობებზე.

თქვენი მოქალაქეობის ან/და საცხოვრებელი ქვეყნიდან გამომდინარე, შესაძლოა ვერ შეძლოთ ვებგვერდით, პლატფორმის ზოგიერთი ან ყველა ფუნქციით სარგებლობა.

ეს ხელშეკრულება ფორმდება კომპანიასა და მომხმარებელს შორის, შემდეგი პირობებით:

1. ტერმინები და განმარტებები

ამ მომხმარებლის ხელშეკრულების სხვა ნაწილებში მითითებული ტერმინების გარდა, ქვემოთ მოცემულ ტერმინებს ენიჭებათ შემდეგი მნიშვნელობები: „ანგარიში" ნიშნავს ვირტუალურ საფულეს, მომხმარებლის მიერ პლატფორმაზე რეგისტრირებულ ანგარიშს (მათ შორის მობილური აპლიკაციის ან ვებგვერდის მეშვეობით დარეგისტრირებულს). ბუნდოვანების თავიდან ასაცილებლად, ანგარიშზე აქტივების შეტანა უნდა მოხდეს მხოლოდ ვირტუალური აქტივებით და შეუძლებელია ანგარიშზე სტანდარტული ვალუტის (მაგალითად: ლარი, აშშ დოლარი, ევრო) შეტანა/გამოყენება.

„სამუშაო დღე" ნიშნავს ნებისმიერ კალენდარულ დღეს, გარდა შაბათის, კვირის და საქართველოს კანონმდებლობით გათვალისწინებული უქმე და დასვენების დღეებისა.

„მონაცემები" ნიშნავს ყველა მონაცემს და ინფორმაციას, რომელიც ხელმისაწვდომია პლატფორმის მეშვეობით, ან/და მომხმარებელს სხვა ფორმით მიეწოდება WhiteBIT-ის მიერ, მათ შორის, შეუზღუდავად, ორდერებთან, ფასებთან, ვაჭრობის მოცულობასთან, ვაჭრობასთან, ლიკვიდურობასთან და ა.შ. დაკავშირებული ინფორმაცია.

„ციფრული აქტივები"/„ვირტუალური აქტივები" ნიშნავს ვირტუალურ აქტივს ან/და ტოკენებს, რომლებსაც (როგორც წესი) არ ყავთ ცენტრალური ემიტენტი, ღირებულების ციფრული გამოხატულება, რომელიც ურთიერთშემცვლელია და არა უნიკალური, არის მფლობელებს შორის ციფრული ფორმით გადაცემის ან ვაჭრობის საგანი. ვირტუალური აქტივი არ მოიცავს ფულადი სახსრების, ფასიანი ქაღალდების და სხვა ფინანსური ინსტრუმენტების ციფრულ გამოხატვას;

კონვერტირებადი ვირტუალური აქტივი - ვირტუალური აქტივი, რომელსაც ბაზარზე აქვს ეროვნული ან უცხოური ვალუტის, სხვა ვირტუალური აქტივის ან/და ფინანსური ინსტრუმენტის ექვივალენტი ღირებულება, რომელზეც შესაძლებელია მისი გაცვლა;

ვირტუალური აქტივის მომსახურების პროვაიდერი - სუბიექტი/პირი, რომელიც ახორციელებს ვირტუალური აქტივების მომსახურებას სხვა პირის სასარგებლოდ და რომელიც ამ მომსახურების გაწევისთვის სათანადოდ უფლებამოსილი / ლიცენზირებული უნდა იყოს საქართველოს ეროვნული ბანკის მიერ.

„მოშლა" ნიშნავს მონეტების/ტოკენების ჩამონათვალის კონკრეტული ხელშეკრულების შეწყვეტას, ციფრული აქტივის პლატფორმიდან სრული ამოღებით, ანგარიშის შევსების, გატანის და მონეტით/ტოკენით ვაჭრობის მხარდაჭერის შეწყვეტით, ასევე ამ მონეტების/ტოკენების WhiteBIT მომხმარებლის ანგარიშზე შენახვის შესაძლებლობას.

„ანგარიშის შევსება" ნიშნავს მომხმარებლის ანგარიშზე აქტივების განთავსების ოპერაციას.

„საკომისიო" ნიშნავს WhiteBIT-ის მიერ დადგენილ გადასახადს ან/და საკომისიოს, რომელსაც WhiteBIT-ს უხდის მომხმარებელი მომსახურების სანაცვლოდ.

„Fiat/ფიატი ფული" ნიშნავს სახელმწიფოს მიერ გამოშვებულ სტანდარტულ ვალუტას, რომელიც გამოშვების ქვეყანაში არის გადახდის კანონიერი საშუალება.

„სახსრები" ნიშნავს ტრანზაქციების შესასრულებლად განკუთვნილ ფიატ ფულს ან/და ციფრულ აქტივებს. აღსანიშნავია, რომ ფიატი ფული არ უნდა განთავსდეს ვირტუალურ ანგარიშზე.

"სახელმწიფო ორგანო" ნიშნავს საქართველოს ხელისუფლებას და ნებისმიერ ეროვნულ, რეგიონის, მუნიციპალურ ან ადგილობრივ ხელისუფლებას, ან რომელიმე ზემოაღნიშნული პოლიტიკური სუბიექტის მთავრობას, ან რომელიმე ერთეულს, ორგანოს, უწყებას, სამინისტროს ან სხვა ორგანოს, რომელიც ახორციელებს აღმასრულებელ, საკანონმდებლო, სასამართლო, მარეგულირებელ ან ადმინისტრაციულ უფლებამოსილებას, მთავრობის ფუნქციებს, მათ შორის ამ ფუნქციების შესასრულებლად შექმნილ ნებისმიერ ორგანოს.

„კანონი" ნიშნავს საქართველოს კანონმდებლობას და ყველა მოქმედ კანონს, რეგულაციას, ნებისმიერი სამთავრობო ორგანოს, უწყების ან სააგენტოს ბრძანებას და გადაწყვეტილებას, ინტერპრეტაციას და პოლიტიკას, რომელიც შესაბამის შემთხვევაში ვრცელდება WhiteBIT-ზე, მომხმარებელზე, ან მათ ოპერაციებზე.

„ორდერი" ნიშნავს მომხმარებლის მიერ შექმნილ შეთავაზებას პლატფორმაზე გარკვეული პირობებით შეიძინოს, გაყიდოს (გაასხვისოს) ან გაცვალოს ციფრული აქტივები.

„პირი" ნიშნავს ფიზიკურ ან იურიდიულ პირს (ამხანაგობა, კორპორაცია, შეზღუდული პასუხისმგებლობის საზოგადოება, სააქციო საზოგადოება და ა.შ.).

„პერსონალური მონაცემები" ნიშნავს ინფორმაციას, რომელიც აიდენტიფიცირებს ინდივიდს, მაგალითად სახელი, მისამართი, ელექტრონული ფოსტა და ა.შ.

„პლატფორმა" ნიშნავს ციფრული აქტივების გაცვლისთვის/ვაჭრობისთვის განკუთვნილ პლატფორმას, რომელიც ხელმისაწვდომია მომხმარებლისთვის ვებგვერდის ან/და მობილური აპლიკაციის ან/და სხვა საშუალებებით, რომელსაც მართავს WhiteBit შესაბამისი შეთანხმების საფუძველზე.

„წარმომადგენლები" ნიშნავს პირის მოხელეებს, დირექტორებს, წევრებს, მენეჯერებს, თანამშრომლებს, აგენტებს ან/და ნებისმიერ პირს, რომელიც უფლებამოსილია იმოქმედოს პირის სახელით შესაბამის საკითხებში, კანონის, ორგანიზაციის დოკუმენტების, მინდობილობის ან მსგავსი დოკუმენტის საფუძველზე.

„მომსახურებები" ნიშნავს WhiteBIT-ის მიერ გაწეულ ყველა მომსახურებას.

„მესამე მხარის პროვაიდერი" ნიშნავს მესამე მხარის პროგრამულ უზრუნველყოფას, ინფორმაციას ან/და ტექნოლოგიების პროვაიდერს, რომლის პროდუქტები, ინფორმაცია ან მომსახურებები ხელს უწყობს WhiteBIT-ს მომხმარებლისთვის მომსახურებების გაწევაში.

„ტრანზაქცია" ნიშნავს პლატფორმის მეშვეობით დადებულ (ან/და შესრულებულ, დასრულებულ, დახურულ და ა.შ.) ტრანზაქციას. კონკრეტულად, კონვერტირებადი ვირტუალური აქტივის ეროვნულ ან უცხოურ ვალუტაზე, სხვა ვირტუალურ აქტივზე ან ფინანსურ ინსტრუმენტზე გაცვლას (მათ შორის თვითმომსახურების კიოსკის საშუალებით), კონვერტირებადი ვირტუალური აქტივის ან მისი გამოყენებისთვის საჭირო ინსტრუმენტის გადაცემას ან/და შენახვას/ადმინისტრირებას, რომელიც იძლევა ვირტუალურ აქტივზე კონტროლის საშუალებას, კონვერტირებადი ვირტუალური აქტივებისგან შემდგარი პორტფელის მართვას (გარდა კოლექტიური პორტფელის მართვისა) ან/და კონვერტირებადი ვირტუალური აქტივებისთვის სავაჭრო პლატფორმის ადმინისტრირებას ან/და ნებისმიერ სხვა მომსახურებას, რომელიც შეთანხმებულია ეროვნულ ბანკთან, საქართველოს კანონმდებლობის შესაბამისად.

„მომხმარებელი" ნიშნავს პირს, რომელიც იყენებს ვებგვერდს, მომსახურებებს ან/და პლატფორმას, არის ანგარიშის მფლობელი და WhiteBIT-თან გაფორმებული აქვს ეს მომხმარებლის ხელშეკრულება და რომელმაც კანონმდებლობით დადგენილი მოთხოვნების თანახმად, უნდა გამოიყენოს ვირტუალური აქტივები ან/და აინიცირებს და ახორციელებს ტრანზაქციებს;

„ვაუჩერი" ნიშნავს ციფრულ კოდს, რომელიც შეიძლება გამოყენებული იყოს ციფრული აქტივების ანგარიშებს შორის გადასატანად.

„ვებგვერდი" ნიშნავს შემდეგ ვებგვერდს: https://whitebit.ge

„გატანა" ნიშნავს მომხმარებლის ანგარიშიდან აქტივების გატანის ოპერაციას.

მომხმარებლის ხელშეკრულების მუხლების/პუნქტების სათაურები მოცემულია მხოლოდ მოხერხებლობისთვის და არც ერთ შემთხვევაში არ იმოქმედებს მომხმარებლის ხელშეკრულების ინტერპრეტაციაზე.

თუ კონტექსტიდან სხვაგვარად არ გამომდინარეობს, მხოლობითი რიცხვი შეიცავს მრავლობითს და პირიქით.

ამ ხელშეკრულებაში იგულისხმება, რომ ტერმინებს „მოიცავს", „მათ შორის", ან კერძოდ" მოსდევს „შეუზღუდავად".

სადაც კონტექსტი საშუალებას იძლევა, ტერმინები „სხვა" ან „სხვაგვარად" საილუსტრაციოა და არ ზღუდავს წინამორბედი სიტყვების მნიშვნელობას.

2. მომხმარებლის ხელშეკრულების საგანი

ამ მომხმარებლის ხელშეკრულების საგანია მომსახურებების გაწევა, რომელიც მომხმარებლებს საშუალებას აძლევს შეინახონ, გაცვალონ, გადასცენ, მიიღონ, და ივაჭრონ ციფრული აქტივებით.

ამ მომხმარებლის ხელშეკრულების ფარგლებში, WhiteBIT მომხმარებლებს სთავაზობს შემდეგ მომსახურებებს:

პლატფორმაზე წვდომა ციფრული აქტივებით ოპერაციების განსახორციელებლად;

წვდომა ვებგვერდზე და ანგარიშზე;

წვდომა პლატფორმით სარგებლობის და ტრანზაქციის განსახორციელებლად საჭირო ინფორმაციაზე;

წვდომა საგადახდო მომსახურების ოპერატორთან ან/და საგადახდო მომსახურების პროვაიდერთან, რომელიც აუცილებელია ისეთი ტრანზაქციის შესასრულებლად, როგორიცაა ანგარიშის შევსება ან/და ანგარიშიდან გატანა.

ამ მომხმარებლის ხელშეკრულების საფუძველზე, WhiteBIT-მა შეიძლება ასევე გაწიოს სხვა მომსახურებები, რომლებიც განსაზღვრულია ამ მომხმარებლის ხელშეკრულებით ან/და ხელმისაწვდომი იქნება ვებგვერდზე ან პლატფორმაზე.

ამასთან, WhiteBIT იტოვებს უფლებას მომხმარებლებს, ფიზიკურ ან/და იურიდიულ პირებს უარი უთხრას მომსახურებებზე, ან შეუზღუდოს მომსახურება მათი დაფუძნების ადგილის, საცხოვრებელი ადგილის, მოქალაქეობის ან/და იურისდიქციების მიხედვით, სადაც ის ოპერირებს. ასევე შესაძლოა საკუთარი შეხედულებისამებრ შეზღუდოს ან უარი თქვას მომსახურების გაწევაზე ზოგიერთ ქვეყანაში.

მომხმარებლისთვის ცნობილია და თანახმაა, რომ WhiteBIT არ არის ტრანზაქციის მხარე (თუ სხვა რამ არ არის გათვალისწინებული ამ მომხმარებლის ხელშეკრულებით, რომელიც დაკავშირებულია გარკვეულ კონკრეტულ მომსახურებებთან) და არ უზრუნველყოფს ფიატი ფულის გაცვლის მომსახურებებს, გარდა მომსახურებებისა, რომლებიც უკავშირდება ფიატი ფულის გაცვლას ვირტუალურ აქტივებზე ან/და ფიატი ფულის პლატფორმიდან გატანას. პლატფორმაზე ყველა ოპერაცია ხორციელდება უშუალოდ მომხმარებლებს შორის. ფიატ ფულთან დაკავშირებული მომსახურება გაიწევა მესამე მხარე ფინანსური ინსტიტუტების მიერ. მიუხედავად ზემოაღნიშნულისა, უსაფრთხოების, AML/CFT შემოწმებების და მონიტორინგის განსახორციელებლად, WhiteBIT-ს შეუძლია ადმინისტრირება გაუწიოს გადახდის ინფორმაციას, რომელიც საჭიროა ანგარიშის შევსების, გატანის ან სხვა ტრანზაქციის შესასრულებლად.

3. მოთხოვნები და მომსახურებაზე წვდომა

მომხმარებელს უფლება აქვს იმოქმედოს მხოლოდ საკუთარი სახელით ან (კორპორატიული ანგარიშით სარგებლობის შემთხვევაში) სუბიექტის/სხვა ორგანიზაციის სახელით, რომელსაც ის წარმოადგენს და არ შეუძლია ისარგებლოს მომსახურებებით როგორც სხვა პირის, ორგანიზაციის, სუბიექტის აგენტმა და შუამავალმა, გარდა იმ შემთხვევისა, როდესაც კონკრეტულად დასაშვებია საქართველოს კანონმდებლობით. ბუნდოვანების გამოსარიცხად, მომხმარებელმა უნდა შეასრულოს ყველა ნორმატიული მოთხოვნა, მათ შორის და განსაკუთრებით ვირტუალური აქტივების გამოყენების მიზანი უნდა იყოს პირადი სარგებლობა.

ფიზიკური პირების შემთხვევაში, მომსახურება გაეწევათ მხოლოდ 18 წელზე უფროსი ასაკის პირებს. მომსახურებების სარგებლობით მომხმარებელი ადასტურებს, რომ შეუსრულდა 18 წელი.

WhiteBIT-ის მიერ შეთავაზებული მომსახურებებით სარგებლობამდე, მომხმარებელი უნდა დარწმუნდეს, რომ WhiteBIT-ის მომსახურებების, პლატფორმის, ვებგვერდის და მობილური აპლიკაციის გამოყენება ნებადართულია მის რეზიდენტ ქვეყანაში, ან ქვეყანაში, საიდანაც მომხმარებელს აქვს წვდომა მომსახურებებზე, პლატფორმაზე, ვებგვერდზე ან მობილურ აპლიკაციაზე; ასევე ამოწმებს, არის თუ არა შესაძლო სამართლებრივი შეზღუდვები მომსახურებების, პლატფორმის, ვებგვერდის ან მობილური აპლიკაციის გამოყენების მხრივ. მომხმარებელი ვალდებულია დაიცვას ყველა მოქმედი კანონი და რეგულაცია, მისი მოქალაქეობის/რეზიდენციის ქვეყნის ან/და იმ ქვეყნის შეზღუდვები და აკრძალვები, საიდანაც მომხმარებელს აქვს წვდომა WhiteBIT-ის მომსახურებებზე, პლატფორმაზე, ვებგვერდსა და მობილურ აპლიკაციაზე.

WhiteBIT არ იღებს პასუხისმგებლობას მომსახურებებზე, პლატფორმაზე, ვებგვერდზე და მობილურ აპლიკაციაზე წვდომაზე და გამოყენებაზე იმ პირის მიერ, რომელიც არის მოქალაქე/რეზიდენტი, ან აქვს წვდომა მომსახურებებზე, პლატფორმაზე, ვებგვერდსა და მობილურ აპლიკაციაზე იმ ქვეყნიდან, სადაც WhiteBIT-ის მომსახურებებით, პლატფორმით, ვებგვერდით და მობილური აპლიკაციით სარგებლობა აკრძალულია კანონით, ან მოქმედებს წვდომის და სარგებლობის სხვა შეზღუდვები.

ანგარიშის დარეგისტრირებით, მომხმარებელი ადასტურებს, რომ: მიაღწია ამ ხელშეკრულების გაფორმების და ხელშეკრულებით გათვალისწინებული ვალდებულებების შესრულებისთვის კანონით დადგენილ ასაკს;

არის ფიზიკური ან იურიდიული პირი, ან სხვა ორგანიზაცია, რომელსაც აქვს სრული სამართლებრივი შესაძლებლობები და უფლებამოსილება ამ ხელშეკრულების გასაფორმებლად;

ამჟამად არ აქვს პლატფორმაზე/ვებგვერდზე რეგისტრირებული სხვა ანგარიში (რამდენიმე ანგარიში);

თუ მომხმარებელი აფორმებს ამ ხელშეკრულებას იურიდიული პირის სახელით, რომლის უფლებამოსილი წარმომადგენელიც არის, მომხმარებელი ადასტურებს, რომ აქვს ყველა საჭირო უფლება და უფლებამოსილება გააფორმოს ეს ხელშეკრულება და აიღოს ვალდებულებები იურიდიული პირის სახელით.

მომხმარებელმა უნდა გაითვალისწინოს, რომ მომსახურებების, ვებგვერდის და პლატფორმის გამოყენება რეგულირდება საქართველოს კანონმდებლობით და ეკონომიკური სანქციების საერთაშორისო დაცვის მოთხოვნებით. პლატფორმის მეშვეობით ციფრული აქტივების გაგზავნით, მიღებით, ყიდვით, გაყიდვით, ვაჭრობით ან შენახვით, მომხმარებელი თანახმაა შეასრულოს აღნიშნული მოთხოვნები. მომხმარებელს არ აქვს უფლება განახორციელოს ტრანზაქციები პლატფორმაზე, ან ისარგებლოს რაიმე მომსახურებით, თუ: არის FATF-ის შავ სიაში შემავალი ქვეყნების მოქალაქე ან რეზიდენტი, ან მათი კონტროლის ქვეშ, ან/და ქვეყნების მოქალაქე ან რეზიდენტი, რომლებიც შეტანილია გაეროს უშიშროების საბჭოს სანქციების სიაში, ექვემდებარება ევროკავშირის ან გაერთიანებული სამეფოს ხაზინის სანქციების რეჟიმებს, შეერთებული შტატების ემბარგოს ("სანქცირებული ქვეყანა"), ან არის ევროკავშირის ან გაერთიანებული სამეფოს ხაზინის ფინანსური სანქციების რეჟიმის ან აშშ-ს სახაზინო დეპარტამენტის სპეციალური სტატუსის მოქალაქეების სიაში, ან აშშ-ს ვაჭრობის დეპარტამენტის აკრძალულ პირთა სიაში ("სანქცირებული პირი"); ან

არის ამერიკის შეერთებული შტატების მოქალაქე ან/და რეზიდენტი ან იურიდიული პირი, რომლის საწესდებო კაპიტალი ეკუთვნის აშშ-ს მოქალაქეს ან/და რეზიდენტს; ან

არ აკმაყოფილებს მომხმარებლის კომპლექსური შემოწმების/შესაბამისობის სტანდარტებს, WhiteBIT-ის მოთხოვნებს მომხმარებლის შესაბამისობასთან დაკავშირებით და სხვაგვარად მიეკუთვნება მაღალი რისკის ჯგუფს, მათ შორის (არა მხოლოდ), ზემოაღნიშნულ ფაქტორებს.

მომხმარებლის მოქალაქეობის/რეზიდენტი ქვეყნიდან გამომდინარე, შეიძლება არსებობდეს სხვა ფაქტორები, რომლებიც შეუზღუდავს მომხმარებელს მომსახურებების მთლიანად ან ნაწილობრივ გამოყენებაში. WhiteBIT უფლებას იტოვებს შეზღუდოს მომსახურებები (სრულად, ან ნაწილობრივ) გარკვეული ქვეყნების/იურისდიქციის მოქალაქეებისთვის/რეზიდენტებისთვის.

საქართველოს და საცხოვრებელი/ადგილსამყოფელი ქვეყნის მოქმედი რეგულაციების, კანონების და წესების დაცვა (ან/და მოქალაქეობის ქვეყნის, ან/და მომხმარებელზე მოქმედი სხვა კანონებისა და რეგულაციების) პასუხისმგებლობა ეკისრება თავად მომხმარებელს. მომხმარებელმა თავად უნდა შეასრულოს მომსახურებით სარგებლობასთან დაკავშირებული ყველა მოქმედი კანონი და რეგულაცია.

მომხმარებლის შესახებ ინფორმაცია (მომხმარებლის მიერ მოწოდებული) არ უნდა შეიცავდეს შეცდომაში შემყვან, მცდარ და თაღლითურ ინფორმაციას. აკრძალულია შეცდომაში შემყვანი/მცდარი/ თაღლითური ინფორმაციის წარდგენა ან ყალბი დოკუმენტების (მათ შორის, ყალბი პირადობის დამადასტურებელი მოწმობის) წარდგენა. იმ შემთხვევაში, თუ WhiteBIT ეჭვობს, რომ მონაცემები არ არის სწორი, განახლებული ან სრული, WhiteBIT უფლებამოსილია უარი თქვას მომხმარებლის მომსახურებაზე (სრულად, ან ნაწილობრივ) ან/და შეაჩეროს მომხმარებლის ანგარიში.

მცდარი/თაღლითური ინფორმაციის ან ყალბი დოკუმენტების წარდგენის შემთხვევაში, WhiteBIT იტოვებს უფლებას სამუდამოდ გააუქმოს მომხმარებლის ანგარიში.

მომხმარებელს არ აქვს უფლება მესამე პირებზე გაასხვისოს, გაუზიაროს ან სხვა ფორმით გადასცეს თავისი ანგარიში ან ნებისმიერი მონაცემი, რომელიც აუცილებელია მის ანგარიშზე წვდომისათვის. მომხმარებელი პასუხისმგებელია უსაფრთხოებაზე და კონტროლზე, პაროლზე, ორფაქტორიან ავთენტიფიკაციის კოდებზე ან სხვა კოდსა თუ მონაცემზე, რომელსაც მომხმარებელი იყენებს მომსახურებით სარგებლობისთვის. WhiteBIT არ არის პასუხისმგებელი მომხმარებლისთვის მიყენებულ ზიანზე მომხმარებლის ანგარიშზე არაავტორიზებული წვდომის, მომხმარებლის პაროლზე/ანგარიშზე მესამე მხარის წვდომის გამო. მომხმარებელმა დაუყოვნებლივ უნდა აცნობოს WhiteBIT-ს პაროლის ან/და ანგარიშის დაკარგვის, ან მესამე მხარის უკანონო წვდომის თაობაზე.

WhiteBIT-ს უფლება აქვს მომხმარებელს მოსთხოვოს ვინაობის დადასტურება, რაშიც შესაძლოა შედიოდეს მომხმარებლის მობილური ტელეფონის ნომრის, პირადობის დამადასტურებელი დოკუმენტების ან საცხოვრებელი ადგილის დადასტურება. WhiteBIT უფლებას იტოვებს მოითხოვოს დამატებითი რეალურ დროში/ონლაინ ვიდეო გადამოწმება.

ფიზიკური პირების ინდივიდუალური ანგარიშები უნდა აკმაყოფილებდეს WhiteBit-ის კლიენტის შესწავლის პროცესის გადამოწმების/შესაბამისობის პროცედურას. კორპორატიული ანგარიშების შემთხვევაში, იურიდიულმა პირმა (მაგ. კომპანია, კორპორაცია, პარტნიორობა, არაკომერციული ან სხვა იურიდიული პირი) დამატებით უნდა გაიაროს KYC/შესაბამისობის პროცედურა, რომელიც დაკავშირებულია იურიდიულ პირთან/ორგანიზაციასთან, მის მმართველებთან, აქციონერებთან ან/და ბენეფიციარებთან.

4. ფულის გათეთრების და ტერორიზმის დაფინანსების აღკვეთის და კლიენტის შესწავლის პოლიტიკა

WhiteBIT იღებს ყველა საჭირო ზომას და იყენებს საუკეთესო სტანდარტებს ფულის გათეთრების ან/და ტერორიზმის დაფინანსების აღკვეთის მოქმედი კანონების და რეგულაციების დასაცავად. WhiteBIT მიმართავს გონივრულ ძალისხმევას, რათა გამოავლინოს და თავიდან აიცილოს ნებისმიერ იურისდიქციაში კრიმინალურ საქმიანობაში ჩართული პირების ვებგვერდზე წვდომა.

WhiteBIT-ის ნებისმიერი სახის უკანონო საქმიანობაში ჩართვის შესაძლო რისკების პრევენციის და შემცირების მიზნით, WhiteBIT მოქმედებს AML/CFT პოლიტიკის და კლიენტის შესწავლის შიდა პროცედურების დაცვით (შემდგომში - „AML/CFT პროცედურები").

კერძოდ, WhiteBIT-ის AML/CFT პოლიტიკა (პროცედურები)მოიცავს შემდეგ საკითხებს:

შიდა კონტროლი;

შესაბამისობის ოფიცერი;

პერსონალის მომზადება;

გადამოწმების პროცედურები;

მონიტორინგი, რისკების შეფასება და რისკზე დაფუძნებული მიდგომა;

ფულის გათეთრების, ტერორიზმის დაფინანსების აღკვეთის პროგრამის აუდიტი.

თუ WhiteBIT-ს აქვს საფუძველი იფიქროს, რომ არსებობს საეჭვო აქტივობა (მესამე მხარის პრეტენზია საეჭვო აქტივობაზე) ანგარიშზე, ან განხორციელებული მომხმარებლის მიერ ან/და მომხმარებელს სურს შეასრულოს საეჭვო ტრანზაქცია, WhiteBIT-ს უფლება აქვს საკუთარი შეხდულებისამებრ: უარი თქვას მომსახურების გაწევაზე; მოითხოვოს დამატებითი ინფორმაცია, რომელიც ადასტურებს ტრანზაქციის ლეგიტიმურობას, მაგალითად, კლიენტის დამატებითი გადამოწმება, მტკიცებულება ან/და ფოტო/ვიდეო დადასტურება და ა.შ.; დაბლოკოს მომხმარებლის წვდომა მის ანგარიშზე; შეწყვიტოს მომხმარებლის ხელშეკრულება მომხმარებლის წინასწარ ინფორმირების გარეშე.

ამ მომხმარებლის ხელშეკრულებაზე თანხმობით, მომხმარებელი ადასტურებს, რომ ლეგალურად ფლობს ფიატ ფულს ან/და ციფრულ აქტივებს.

WhiteBIT არ გაუწევს მომსახურებას FATF-ის და ხელშეკრულების 3.4 პუნქტში მითითებული სხვა ორგანიზაციების შავ სიაში შეყვანილი ქვეყნების მოქალაქეებს/რეზიდენტებს/სუბიექტებს.

5. მომხმარებლის ანგარიში

ანგარიშის შესაქმნელად და გადასამოწმებლად, მომხმარებელმა უნდა გაიაროს რეგისტრაციის ყველა პროცედურა და მიაწოდოს WhiteBIT-ს საჭირო ინფორმაცია (მათ შორის აუცილებელი პერსონალური მონაცემები, გადამოწმებისთვის საჭირო ინფორმაცია, ასევე დაეთანხმოს ამ ხელშეკრულების პირობებს (მათ შორის, AML/CFT პოლიტიკას, კონფიდენციალურობის პოლიტიკას, გადასახადების პოლიტიკას).

WhiteBIT-ს შეუძლია საკუთარი შეხედულებისამებრ უარი უთხრას მომხმარებელს რეგისტრაციაზე და ანგარიშის შექმნაზე.

თუ WhiteBIT-სა და მომხმარებელს შორის სხვაგვარად წერილობით არ შეთანხმდება, თითოეულ მომხმარებელს შეუძლია დაარეგისტრიროს მხოლოდ ერთი ანგარიში და არ აქვს ორი ან მეტი ანგარიშით სარგებლობის უფლება. სხვა დაკავშირებულ მომხმარებლებთან ერთად განზრახ ქმედებები, სხვა მომხმარებლების ანგარიშების გამოყენება მათი მოქმედებების, სტრატეგიების და განზრახვების შესახებ ინსაიდერული ცოდნით ორდერის განთავსებისა და შესრულების თვალსაზრისით, განიხილება როგორც რამდენიმე ანგარიშის ოპერირება და იწვევს ანგარიშის დახურვას, ანგარიშის მფლობელების ნებართვის (თანხმობის) გარეშე.

იმ შემთხვევაში, თუ მომხმარებელი ამ მუხლის დარღვევით ქმნის რამდენიმე ანგარიშს, WhiteBIT-ს უფლება აქვს გააუქმოს (დახუროს) შექმნის თარიღიდან რიგით მეორე და მომდევნო ანგარიშები.

ანგარიშის დარეგისტრირებით, მომხმარებელი თანახმაა წარმოადგინოს იდენტობის დასადასტურებლად მოთხოვნილი ინფორმაცია, რომელიც გამოიყენება ფულის გათეთრების, ტერორიზმის დაფინანსების, თაღლითობის და სხვა ფინანსური დანაშაულის შემთხვევების გამოსავლენად. ჩვენ ვაგროვებთ, ვიყენებთ და გადავცემთ აღნიშნულ ინფორმაციას ჩვენი კონფიდენციალურობის პოლიტიკის შესაბამისად. გარდა ამ ინფორმაციის მოწოდებისა, მონაცემთა შენახვის მსოფლიო სტანდარტებთან შესაბამისობის მიზნით, მომხმარებელი გვაძლევს თანხმობას ვაწარმოოთ ინფორმაციის ჩანაწერები ანგარიშის მოქმედების მთელი ვადის პერიოდში, ასევე ანგარიშის დახურვიდან 5 (ხუთი) წლის მანძილზე. ამასთან, მომხმარებელი გვაძლევს თანხმობას გავუგზავნოთ მოთხოვნები, უშუალოდ, ან მესამე მხარის მეშვეობით, მომხმარებლის ვინაობის დასადასტურებლად, ან მომხმარებლის ან/და ჩვენი ფინანსური და სხვა დანაშაულებისგან, მაგალითად თაღლითობისგან დასაცავად.

ხელშეკრულების ამ ნაწილში გათვალისწინებული ინფორმაციის წარმოდგენით, მომხმარებელი ადასტურებს, რომ ინფორმაცია ზუსტი და სანდოა. რეგისტრაციის შემდეგ მომხმარებელმა უნდა უზრუნველყოს ინფორმაციის სისწორე, სისრულე და დროული განახლება ნებისმიერი ცვლილების შემთხვევაში.

თუ არსებობს საფუძვლიანი ეჭვი, რომ მომხმარებლის მიერ მოწოდებული ინფორმაცია არასწორი, მოძველებული ან არასრულია, WhiteBIT უფლებამოსილია მოსთხოვოს მომხმარებელს შესწორება, წაშალოს შესაბამისი ინფორმაცია პირდაპირ და გარემოებიდან გამომდინარე, შეწყვიტოს მომხმარებლის წვდომა ყველა მომსახურებაზე ან მათ ნაწილზე.

მხოლოდ მომხმარებელია პასუხისმგებელი ზარალზე ან ხარჯზე, რომელსაც გასწევს WhiteBIT-ის მომსახურებების გამოყენებისას, თუ მომხმარებელთან დაკავშირება ვერ მოხერხდება ელექტრონულ ფოსტაზე ან/და WhiteBIT-ისთვის მიწოდებულ მისამართზე. ამ ხელშეკრულების გაფორმებით, მომხმარებელი თანახმაა განაახლოს ინფორმაცია ნებისმიერი ცვლილების შემთხვევაში.

ანგარიშის დარეგისტრირებით, ისევე როგორც ამ ხელშეკრულებით, მომხმარებელი უფლებას აძლევს WhiteBIT-ს პირდაპირ ან მესამე მხარის მეშვეობით გაუგზავნოს მოთხოვნები მომხმარებლის ვინაობის დასადასტურებლად, ან მომხმარებლის ან/და WhiteBIT-ის თაღლითობისგან დასაცავად, ასევე ზომების მისაღებად, რომლებსაც WhiteBIT საჭიროდ ჩათვლის მოთხოვნების შედეგების საფუძველზე.

ანგარიშით სარგებლობა შეუძლია მხოლოდ პირს, რომლის სახელზეც ანგარიში დარეგისტრირდა. WhiteBIT უფლებას იტოვებს დროებით შეზღუდოს ანგარიშით სარგებლობა, გაყინოს ან დახუროს ანგარიში, თუ არსებობს მისი სხვა პირის მიერ გამოყენების ეჭვი, თუ მხარეები სხვაგვარად წერილობით არ შეთანხმდებიან. მომხმარებელმა დაუყოვნებლივ უნდა აცნობოს WhiteBIT-ს მომხმარებლის სახელის და პაროლის არაავტორიზებული გამოყენების შესახებ, ან ანგარიშზე არაავტორიზებული წვდომის სხვა მცდელობის შესახებ, თუ მომხმარებელს აქვს ამის შესახებ ინფორმაცია ან ეჭვი.

რეგისტრაციისას მომხმარებელმა თავად უნდა დააყენოს მომხმარებლის სახელი და პაროლი. მომხმარებელს ასევე შეუძლია შეცვალოს პაროლი რეგისტრაციის პროცედურის დასრულების შემდეგ ნებისმიერ დროს.

მომხმარებელი ადასტურებს, რომ მისი ანგარიშის შესახებ ინფორმაცია კონფიდენციალურია და არ გაუმჟღავნებს მესამე პირებს. ამასთან, მომხმარებელი თანახმაა მხოლოდ თავად იყოს პასუხისმგებელი უსაფრთხოების აუცილებელი ზომების მიღებაზე, ანგარიშის და ანგარიშის შესახებ ინფორმაციის დასაცავად.

მომხმარებელი ვალდებულია უზრუნველყოს უსაფრთხოების ზომები პაროლისა და ანგარიშის სხვა დეტალების მესამე მხარისთვის გამჟღავნების პრევენციისთვის; მომხმარებელი დამოუკიდებლად განსაზღვრავს ინფორმაციისა და მონაცემების შენახვის საუკეთესო პროცედურას და იღებს ზომებს მათი უკანონო ან არაავტორიზებული გამჟღავნების და გამოყენების თავიდან ასაცილებლად.

მომხმარებელი თანახმაა:

დაუყოვნებლივ აცნობოს WhiteBIT-ს, თუ მისთვის ცნობილი გახდება სხვა პირის მიერ ანგარიშის ინფორმაციის არაავტორიზებული გამოყენების და უსაფრთხოების წესების ნებისმიერი სხვა დარღვევის შესახებ;

მკაცრად დაიცვას ვებგვერდზე უსაფრთხოების წესებთან, პირადობის დადასტურებასთან, ანგარიშის შევსებასთან, გატანასთან, ტრანზაქციებთან დაკავშირებული მექანიზმები და პროცედურები; და

შეასრულოს შესაბამისი ქმედებები თითოეული ვიზიტის შემდეგ ვებგვერდიდან დადგენილი წესით გასასვლელად.

WhiteBIT არ არის პასუხისმგებელი მომხმარებლის ან მესამე მხარის მიერ (მიუხედავად იმისა, ქონდა თუ არა მომხმარებლის თანხმობა) მომხმარებლის შესვლის პარამეტრებით ანგარიშის უნებართვო გამოყენებისას წარმოქმნილ ზარალსა და ზიანზე (მომხმარებელზე ფიშინგ შეტევის ჩათვლით).

WhiteBIT-მა შექმნა შიდა უსაფრთხოების, კონტროლის, მონიტორინგის კომპლექსური სისტემა, რომელშიც თანამშრომლების ყველა ქმედება ფიქსირდება. ამასთან, სისტემა არ უშვებს ჩვენი თანამშრომლებისთვის მომხმარებლის პარამეტრების გამჟღავნებას. მომხმარებელი თანახმაა, რომ არაავტორიზებული წვდომა მხოლოდ მის ანგარიშზე (არა პლატფორმის საფულეზე) უნდა ჩაითვალოს მომხმარებელზე ფიშინგის შეტევად, ან მომხმარებლის დაუდევრობად.

6. ანგარიშზე წარმოებული ოპერაციები

ანგარიშზე კანონიერად ჩარიცხული ყველა აქტივი, მოქმედი კანონმდებლობის და ამ ხელშეკრულების შესაბამისად, ეკუთვნის მომხმარებელს.

ანგარიშზე ყველა ოპერაცია ხორციელდება პლატფორმაზე მომხმარებლის ანგარიშიდან შესაბამისი ფორმით შესრულებული ორდერების მიხედვით.

მომხმარებელი თანახმაა და უფლებას აძლევს WhiteBiT-ს გამოიყენოს მესამე მხარის პროვაიდერი ფიატი ფულის ტრანზაქციის ან/და ნებისმიერი სხვა ტრანზაქციის განსახორციელებლად, გადახდის დავალების ან/და ტრანზაქციის შესასრულებლად.

ანგარიშის შესავსებად, მომხმარებელი აქტივებს რიცხავს WhiteBIT-ის მიერ მომხმარებლის ანგარიშში მითითებული დეტალების მიხედვით. მომხმარებლის ანგარიშზე არ იქნება დაშვებული, მიღებული ან/და ხელმისაწვდომი ფიატი ფული. ანგარიშის შევსება ხორციელდება მხოლოდ ვებგვერდზე არსებულ სტაბილურ ვირტუალურ აქტივში და მხოლოდ ამის შემდეგ მომხმარებელს აქვს უფლება განახორციელოს ოპერაციები სხვადასხვა ვირტუალურ აქტივებში, რომლებიც ხელმისაწვდომია მომხმარებლის ანგარიშიდან.

WhiteBIT იტოვებს უფლებას მოითხოვოს ან/და გადაამოწმოს ფულადი სახსრების წყარო და ამ შემთხვევაში, სანამ მომხმარებელი არ შეასრულებს WhiteBIT-ის მოთხოვნას, WhiteBIT იტოვებს უფლებას არ შეასრულოს ან/და მისცეს მომხმარებელს საშუალება შეასრულოს ან/და დაასრულოს ტრანზაქცია.

ციფრული აქტივების ანგარიშის სრულად შევსების დადასტურებების რაოდენობა შეიძლება განსხვავდებოდეს ციფრული აქტივების ტიპის მიხედვით (დადასტურებების საჭირო რაოდენობა განისაზღვრება მხოლოდ WhiteBIT-ის მიერ). WhiteBIT-მა შესაძლოა წინასწარ აჩვენოს ანგარიშის ბალანსზე შევსების პროცესში მყოფი ციფრული აქტივები (დადასტურებების საჭირო რაოდენობის მიღებამდე), თუმცა ციფრული აქტივები მიუწვდომელი იქნება შემდგომი ტრანზაქციისთვის (გატანის ჩათვლით), საჭირო რაოდენობის დასტურის მიღებამდე.

WhiteBIT უფლებამოსილია საკუთარი შეხედულებისამებრ დააწესოს და შეცვალოს აქტივის შეტანის/გატანის მინიმალური/მაქსიმალური ლიმიტები. WhiteBIT არ იქნება პასუხისმგებელი ასეთი ცვლილებების შესახებ მომხმარებლებისთვის წინასწარი შეუტყობინებლობაზე. ასეთ შემთხვევაში:

ანგარიშზე მინიმალურ დეპოზიტზე ნაკლები აქტივის შეტანისას, აქტივები არ ჩაირიცხება მომხმარებლის ანგარიშზე, სანამ მომხმარებელი არ შეიტანს მინიმალური დეპოზიტის ტოლ ან მეტ აქტივს;

აქტივები, რომლებიც მინიმალურ სადეპოზიტო აქტივზე ნაკლებია, არის კუმულაციური და ჩაირიცხება მომხმარებლის ანგარიშზე, როდესაც გაუტოლდება ან აღემატება მინიმალურ სადეპოზიტო აქტივს;

თუ ანგარიშზე შეტანილია შევსებისთვის საჭირო მაქსიმუმ აქტივზე მეტი, ოპერაცია შეიძლება გამოიკვლიოს WhiteBIT-მა - შედეგად, მოხდება აქტივის შევსება ან დაბრუნდება, თუ სხვა რამ არ არის მოთხოვნილი AML/CFT რეგულაციებით.

ანგარიშიდან აქტივის გასატანად, მომხმარებელმა უნდა გაიაროს პროცედურა ანგარიშის შესაბამისი ფუნქციების გამოყენებით. WhiteBIT უფლებას იტოვებს დაამატოს აქტივის გატანასთან დაკავშირებული დადასტურების პროცედურები.

პლატფორმაზე შესაძლოა დაწესდეს გარკვეული შეზღუდვები აქტივების გატანაზე ან/და ტრანზაქციებზე - მომხმარებლის პროფილის/მონაცემების შეცვლის შემდეგ ანგარიშზე, დროებით აქტუვებუს გატანის ან/და ტრანზაქციების აკრძალვა მათ შორის პაროლის შეცვლის ან აღდგენის, ასევე ავტორიზაციის მეთოდის შეცვლის შემთხვევაში. ამასთან, პლატფორმამ ან ფინანსურმა ინსტიტუტმა (ელექტრონული ფულის გამცემი, გადახდის მომსახურების პროვაიდერი, ბანკი და ა.შ.) შესაძლოა გარკვეული დროით დააწესოს შეზღუდვები აქტივის გატანაზე, ანგარიშის გარკვეული მეთოდებით შევსების შემთხვევაში (მათ შორის WhiteBIT-ის მიერ მიჩნეული როგორც AML/CFT-ის ან უსაფრთხოების რისკების მომტანი). დადასტურებული გატანა შეუქცევადია და მისი გაუქმება შეუძლებელია.

WhiteBIT-ს არ აქვს უფლება, დაიწყოს მომხმარებლის ანგარიშიდან აქტივების გატანა/ტრანზაქცია მომხმარებლის დავალების გარეშე, გარდა ამ ხელშეკრულებით გათვალისწინებული სხვა შემთხვევებისა.

WhiteBIT უფლებას იტოვებს გააუქმოს მომხმარებლის ანგარიშზე შესაბამისი ციფრული აქტივები იმ შემთხვევაში, თუ მოხდა მათი პლატფორმიდან აღება, თუ მომხმარებელმა არ დაიწყო მისი გატანა გარე საფულეზე (მისამართზე) WhiteBIT-ის მიერ განსაზღვრულ პერიოდში.

აქტივების გადარიცხვა შესაძლებელია ანგარიშის შევსების, ტრანზაქციის, მესამე მხარის (ფინანსური ინსტიტუტების და ა.შ.) მომსახურებით გატანის მიზნით. თუ მომხმარებელი შეავსებს ანგარიშს ან გაიტანს აქტივს მესამე მხარის მომსახურებების მეშვეობით, დაწყებული ოპერაცია ხორციელდება ინსტრუმენტების/აქტივების/საშუალებების მეშვეობით, რომლებიც გამოიყენება მესამე მხარის შეთავაზებების (წესებისა და პირობების) შესაბამისად, რომელსაც დაეთანხმა მომხმარებელი, რომლის მომსახურებითაც მომხმარებელი სარგებლობს ოპერაციის შესასრულებლად, იმ პირობით, რომ აღნიშნული პირობები შეესაბამება ამ ხელშეკრულებას.

პლატფორმის მეშვეობით, მესამე მხარის მომსახურებების გამოყენებით ოპერაციების ინიცირებით, მომხმარებელი ანიჭებს უფლებას და ავალებს კომპანიას ასეთ მესამე მხარეს გადასცეს ინფორმაცია, პერსონალური მონაცემების ჩათვლით, რომელიც აუცილებელია ინიცირებული ოპერაციების შესასრულებლად, მომხმარებლის მიერ მიღებული მესამე მხარის შეთავაზებების (წესებისა და პირობების) შესაბამისად. მესამე მხარის მომსახურებების გამოყენებით შესრულებულ ოპერაციებზე პასუხისმგებლობა ეკისრება მომხმარებელს.

WhiteBIT-ს არ ეკისრება პასუხისმგებლობა მესამე მხარის ქმედებებზე. მხოლოდ მომხმარებელია პასუხისმგებელი ყველა საკომისიოს გადახდაზე, რომელიც დაკავშირებულია აქტივების ამ წესით გადარიცხვასთან და ასევე იღებს არასწორი გადახდის დეტალების მითითებასთან დაკავშირებულ რისკებს.

გაუქმება და აქტივის დაბრუნება

ფიატი ფულის ციფრულ აქტივებზე გაცვლის ორდერის შესრულების შემდეგ, მისი გაუქმება ან გამოხმობა შეუძლებელია.

ყველა ორდერი საბოლოოა და ვერ დაბრუნდება ციფრული აქტივების მომხმარებლის ანგარიშზე ჩარიცხვის შემდეგ. მომხმარებლის ანგარიშზე გადარიცხვის შემდეგ, მისი გამოხმობა ან მიღება არც ერთ შემთხვევაში არ არის შესაძლებელი.

თუ მომხმარებელი გაცვლის ფიატ ფულს ციფრულ აქტივზე, ტრანზაქცია ვერ გაუქმდება და გამოიხმობა. ამ შემთხვევაში მომსახურება ითვლება მომხმარებლისთვის სათანადოდ გაწეულად.

WhiteBIT-ის ვალდებულება მომხმარებლის მიმართ სრულად შესრულდება ციფრული აქტივების მის ანგარიშზე შეტანისას და ამ ტრანზაქციისას მომხმარებელს რაიმე პრეტენზია ან უფლება WhiteBIT-ის მიმართ ვერ ექნება.

8. საეჭვო და აკრძალული ოპერაციები

თუ მომხმარებელმა გამოავლინა საეჭვო ოპერაციები ან აქტივობები, მათ შორის (არა მხოლოდ) ანგარიშის შევსება/გატანა ან/და ორდერების განთავსება/შესრულება, რომლებიც მომხმარებლისთვის უცნობია ან/და მის მიერ არ ყოფილა ინიცირებული, მომხმარებელმა დაუყოვნებლივ უნდა აცნობოს WhiteBIT-ს აღნიშნულის შესახებ და შეასრულოს ჩვენი მითითებები. WhiteBIT იტოვებს უფლებას გაყინოს აქტივები ანგარიშზე, მოკვლევის დასრულებამდე.

WhiteBIT იტოვებს უფლებას გაყინოს, გააუქმოს ან გამოიხმოს ოპერაცია (მათ შორის აქტივის გატანა ან/და ტრანზაქცია), რომელიც უკვე შესრულებულია ფინანსური ინსტიტუტის მოთხოვნით, რომელიც მონაწილეობს ანგარიშსწორებაში (შესრულებაში), ტრანზაქციის ან/და საეჭვო ოპერაციის ანგარიშთან დაკავშირებული მოკვლევის შედეგის (დასკვნის) საფუძველზე. ასეთ შემთხვევებში, მომხმარებელმა უნდა ითანამშრომლოს WhiteBIT-თან, რათა დადგინდეს ქმედების მიზეზები და საფუძველი.

აკრძალული ოპერაციებია საქართველოს კანონმდებლობით დაუშვებელი ოპერაციები, მაგალითად:

ვირტუალური აქტივი არ არის გადახდის ლეგალური საშუალება. აკრძალულია ვირტუალური აქტივით გადახდების განხორციელება, გარდა საქართველოს ეროვნული ბანკის სამართლებრივი აქტით განსაზღვრული შემთხვევებისა.

ვირტუალური აქტივის გამოყენება პირის მიერ ნებისმიერი მიზნით, გარდა პირადი სარგებლობისა.

ვირტუალური აქტივების მომსახურების გაწევა იმ პირის მიერ, რომელიც არ არის საქართველოს ეროვნული ბანკის მიერ რეგისტრირებული ვირტუალური აქტივების მომსახურების მიმწოდებელი, ან ფინანსური სექტორის წარმომადგენელი, რომელიც უფლებამოსილია გაწიოს ვირტუალური აქტივების მომსახურება საქმიანობის მარეგულირებელი კანონმდებლობით.

სესხის/კრედიტის ხელშეკრულების საფუძველზე ვირტუალური აქტივის გაცემა, მიღება, თუ მოვალე ფიზიკური პირია.

ნებისმიერი სხვა გარიგება, რომელიც შეიძლება გამოცხადდეს უკანონოდ, აკრძალულად საქართველოს ეროვნული ბანკის ან/და შესაბამისი ორგანოს მიერ.

9. საფასურები

ვებგვერდზე ან/და პლატფორმაზე (ან/და მობილური აპლიკაციის საშუალებით) გაწეული მომსახურებებისთვის WhiteBIT აწესებს შესაბამის საფასურს. აღნიშნული საფასურის ოდენობა, გარდა წინამდებარე მუხლით გათვალისწინებული გამონაკლისი შემთხვევებისა, მითითებულია პლატფორმაზე/ვებგვერდზე. მომხმარებელი უპირობო უფლებას ანიჭებს WhiteBIT-ს ჩამოჭრას საფასური მისი ანგარიშიდან.

კომპანია უფლებამოსილია, ინდივიდუალურ მომხმარებლებს თავისი შეხედულებისამებრ, განუსაზღვროს პლატფორმაზე/ვებგვერდზე მითითებულისაგან განსხვავებული საფასური.

წინამდებარე მუხლის მე-2 მუხლში მითითებული ინდივიდუალური საფასურის განსაზღვრისას WhiteBIT შეიძლება დაეყრდნოს ისეთ გარემოებებს, როგორიცაა:

მომხმარებლის მიერ გაკეთებული ტარნზაქციების ტიპი/შინაარსი, რაოდენობა, მოცულობა, სიხშირე, ტრანზაქციების ადრესატი;

ბაზარზე არსებული ვითარება, ეკონომიკური ინდიკატორების ცვლილება;

მარეგულირებელი ან/და სხვა კანონმდებლობის ცვლილება;

სხვა ობიექტური გარემოებები.

ნებისმიერ შემთხვევაში, WhiteBIT უზრუნველყოფს, მომხმარებლის წინასწარ, წერილობით ინფორმირებას, მისთვის ინდივიდუალურად საკომისიოების შეცვლის თაობაზე და თუ მომხმარებელი განაგრძობს WhiteBIT-ის მომსახურებით სარგებლობას, იგი ამით გამოხატავს თანხმობას შეცვლილ გარემოებებზე.

10. ორდერები და გარიგებები

პლატფორმა საშუალებას აძლევს მომხმარებელს შექმნას (დაიწყოს) ორდერი ციფრული აქტივების გასაცვლელად (შესაძენად ან გასაყიდად).

ორდერის შექმნით (ინიცირებით) მომხმარებელი სთავაზობს ყველა სხვა მომხმარებელს ტრანზაქციის განხორციელებას შესაბამის ორდერში მითითებული პირობებით. WhiteBIT ცალმხრივად აყენებს ინტერფეისს ორდერის შესაქმნელად (ინიცირებისთვის), ადგენს ორდერის შესაძლო ტიპებს და ორდერის შესაძლო პარამეტრებს.

მომხმარებელი თანახმაა, რომ ორდერი შეიძლება შესრულდეს როგორც სრულად, ასევე რამდენიმე ნაწილად.

ორდერის შესაქმნელად (ინიცირებისთვის) მომხმარებელს უნდა ჰქონდეს საკმარისი ვირტუალური აქტივები ანგარიშზე, რათა შეასრულოს ორდერის შესაბამისი ვალდებულებები (ასევე მომხმარებლის მიერ გახსნილი სხვა აქტიური ორდერები).

მომხმარებელი ეთანხმება, რომ ორდერი უნდა იყოს წარმოდგენილი მხოლოდ საგულდაგულოდ შემოწმების შემდეგ და მომხმარებელს უნდა ესმოდეს და ეთანხმებოდეს მისი შესრულების შედეგებს. მომხმარებელი თანახმაა, რომ ორდერის შესრულებისთანავე, ტრანზაქცია შეუქცევადია და ვერ გაუქმდება. ტრანზაქციები განხორციელდება მყისიერად, გამყიდველისა და მყიდველის ორდერის დამთხვევისთანავე, გამყიდველისა და მყიდველის წინასწარ ინფორმირების გარეშე და ჩაითვლება განხორციელებულად შესრულების დღეს და დროს.

მომხმარებლისთვის ცნობილია, რომ იმ შემთხვევაში, თუ დანიშნულების მისამართი არ არის მითითებული ან/და არასწორადაა მითითებული ან/და თუ საცნობარო ნომერი არასწორადაა მითითებული; ან/და თუ ანგარიშის შევსება განხორციელებულია ქსელიდან (ტოკენის სტანდარტი), რომელსაც არ აქვს WhiteBIT-ის მხარდაჭერა; ან/და თუ გატანა ხდება ქსელში (ტოკენის სტანდარტი), რომლის მხარდაჭერაც არ აქვს მიმღებს; ან/და თუ ქსელი არასწორადაა შერჩეული მომხმარებლის მიერ; ან/და თუ საფულის მისამართები მითითებულია არასწორი შენიშვნებით (დანიშნულების ტეგი); ან/და თუ მომხმარებლის ტრანზაქციების სხვა დეტალები არასწორადაა მითითებული, მომხმარებელმა შეიძლება დაკარგოს აქტივა, ან მოხდეს ორდერის შესრულების შეფერხება. ასეთ შემთხვევაში, მომხმარებელი თავადაა პასუხისმგებელი მის არაზუსტ და არასწორ ქმედებებზე და იღებს სახსრების დაკარგვის რისკს. WhiteBIT არავითარ შემთხვევაში არ ანაზღაურებს ასეთ დანაკარგებს.

WhiteBIT-ს შეუძლია დააწესოს ორდერის მინიმალური და მაქსიმალური მოცულობა, ან/და სხვა შეზღუდვები (ლიმიტები) სავაჭრო ოპერაციებზე. შეზღუდვები (ლიმიტები) შეიძლება განსხვავდებოდეს თითოეული სავაჭრო წყვილის (ან/და სხვა დეტალის მიხედვით).

მომხმარებელს შეუძლია გამოიყენოს ვაუჩერი (პლატფორმაზე არსებობის შემთხვევაში) ციფრული აქტივების ანგარიშზე/ანგარიშიდან გადასატანად. ვაუჩერი გამოყენებული უნდა იყოს WhiteBIT-ის მიერ დადგენილ ვადამდე. WhiteBIT არ არის პასუხისმგებელი და არ იღებს რაიმე ვალდებულებას დანაკარგზე ან ზარალზე, რომელიც წარმოიქმნება მომხმარებლის მიერ მესამე მხარისგან შეძენილი ან სხვა გზით მიღებული ვაუჩერის გამოყენების შედეგად. ბუნდოვანების გამოსარიცხად, მხოლოდ მომხმარებელია პასუხისმგებელი უზრუნველყოს, რომ მის მიერ შეძენილი ვაუჩერი არის ნამდვილი, მოქმედი და მოთხოვნადი.

მომხმარებლის ანგარიშზე წარმოებული ყველა ოპერაცია, მათ შორის ანგარიშის შევსებასთან, აქტივის გატანასთან ორდერის ინიცირებასთან/შესრულებასთან დაკავშირებული, მითითებულია მომხმარებლის ანგარიშში.

შესასრულებელი ორდერი, რომელიც არ გაუქმებულა მომხმარებლის მიერ, ძალაშია შესრულებამდე. მიუხედავად ამისა, WhiteBIT იტოვებს უფლებას შესასრულებელ ორდერებზე დააწესოს დროის ლიმიტი.

11. მომხმარებლის პერსონალური მონაცემები

WhiteBIT-ის მიერ მომხმარებლებისგან მიღებული პერსონალური მონაცემების შეგროვების, შენახვისა და დაცვის წესები რეგულირდება კონფიდენციალურობის პოლიტიკით. გთხოვთ გაეცნოთ ამ დოკუმენტს. ნებისმიერი მომსახურების მიღებამდე მომხმარებელი გასცემს თანხმობას მისი პერსონალური მონაცემების დამუშავებაზე.

WhiteBIT-ს, როგორც ვირტუალური აქტივების მომსახურების პროვაიდერს, აქვს მომხმარებლის მონაცემების გამოყენების სამართლებრივი საფუძველი, რაც გულისხმობს ბიზნესთან დაკავშირებულ ან/და კომერციულ მიზნების არსებობას. „WhiteBIT დაიცავს მომხმარებლის მონაცემების უსაფრთხოებას და კონფიდენციალურობას, არ გამოიყენებს მონაცემებს უკანონოდ და მიაწვდის მომხმარებელს სრულ ინფორმაციას პერსონალური ინფორმაციის დამუშავების შესახებ.

WhiteBIT გამოიყენებს მომხმარებლის ინფორმაციას ანგარიშ(ებ)ის სამართავად და მომსახურებების გასაწევად, შეფასებისა და ანალიზისთვის (მათ შორის საკრედიტო ქულების, ბაზრის და პროდუქტის ანალიზი), მომსახურებების გასაუმჯობესებლად, მაგალითად მომხმარებლის ინფორმირებით მისთვის საინტერესო პროდუქტებისა და მომსახურებების შესახებ. WhiteBIT მონაცემებს გაუმჟღავნებს მხოლოდ:

საკრედიტო, სამსახურებს, მათ შორის, სახელმწიფო/საზედამხედველო უწყებებს;

WhiteBIT-ის მომსახურების მიმწოდებლებს, WhiteBIT-ის თანამშრომლებს, მომსახურების პროვაიდერებს, ფინანსურ ინსტიტუტებს, ბანკებს, გადახდის მომსახურების პროვაიდერებს, ბროკერებს, ვირტუალური აქტივების მომსახურების პროვაიდერებს ან/და სხვა ფინანსური ინსტიტუტებს, შესაბამისი კანონებით დადგენილი ვალდებულებების შესასრულებლად და WhiteBIT-თან სხვა სახელშეკრულებო ურთიერთობებში მყოფ მხარეებს.

კონკრეტულ მესამე პირებს, რომლებსაც უფლება აქვთ გადაამოწმონ ინფორმაცია, კერძოდ ორგანიზაციებს, რომლებსაც შეუძლიათ ჩაწერონ, გამოიყენონ და მიაწოდონ ინფორმაცია კრედიტორებსა და მზღვეველებს, მათ შორის (არა მხოლოდ): „კრედიტინფოს", ელექტრონულ მონაცემთა ბაზებში შენახული ინფორმაცია, ასევე სსიპ სახელმწიფო მომსახურებების განვითარების სააგენტოს ან/და მის უფლებამონაცვლეებს.

პირებს, რომლებიც მოქმედებენ როგორც ჩვენი წარმომადგენლები მკაცრი კონფიდენციალურობის დაცვით;

სუბიექტებს, რომლებსაც გადავცემთ, ან შესაძლოა გადავცეთ თქვენთან გაფორმებული ხელშეკრულებებით გათვალისწინებული ჩვენი უფლებები და მოვალეობები.

კანონმდებლობით და რეგულაციებით დადგენილ შემთხვევებში;

სხვა შემთხვევაში, WhiteBIT კონფიდენციალურად შეინახავს მომხმარებლის პერსონალურ მონაცემებს.

დამუშავებას დაქვემდებარებული პერსონალური მონაცემები:

შეგროვდება შემდეგი პერსონალური მონაცემები:

ზოგადი პერსონალური მონაცემები: სახელი/გვარი, სქესი, პირადი საიდენტიფიკაციო ნომერი, დაბადების თარიღი, ქმედუნარიანობა, ეროვნება და მოქალაქეობა, მდებარეობა (ქუჩა, ქალაქი, ქვეყანა, საფოსტო ინდექსი);

პირადობის დამადასტურებელი დოკუმენტის მონაცემები: დოკუმენტის ტიპი, გაცემის ადგილი, ნომერი, ვადის გასვლის თარიღი, დოკუმენტის შტრიხ-კოდი (შეიძლება განსხვავდებოდეს დოკუმენტის მიხედვით), უსაფრთხოების კომპონენტები;

სახის გამოსახულება, სახის ფოტო (მათ შორის სელფი) და საიდენტიფიკაციო დოკუმენტზე გამოსახული ფოტო ან სკანი, ვიდეოში, ხმის ჩანაწერებში არსებული ინფორმაცია;

ბიომეტრიული მონაცემები: სახის ნაკვთები;

სოციალურ-დემოგრაფიული მონაცემები: დეტალები თქვენი სამუშაოს ან პროფესიის, განათლების, დაგეგმილი ან მოსალოდნელი ბრუნვის შესახებ, ინფორმაცია ოჯახის წევრებზე;

საბანკო მონაცემები: ბარათის მფლობელი, ვადის გასვლის თარიღი, ბარათის ნომრის პირველი 6 და ბოლო 4 ციფრი, აქტივის/შემოსავლის წყაროს დამადასტურებელი დოკუმენტებიდან აღებული მონაცემები;

ტრანზაქციის და ქცევითი მონაცემები: თქვენი ანგარიშიდან და თქვენს ანგარიშზე ჩარიცხვების დეტალები; კონკრეტულად, თუ როგორ იყენებთ პროდუქტებსა და მომსახურებებს;

საკონტაქტო ინფორმაცია: მისამართი, ელექტრონული ფოსტის მისამართი, ტელეფონის ნომერი, IP მისამართი;

ტექნიკური მონაცემები: ინფორმაცია მომსახურების თარიღის, დროის და აქტივობის შესახებ; IP მისამართი და დომენის სახელწოდება; პროგრამული და აპარატურული დეტალები (კამერის სახელი და ტიპი); ზოგადი გეოგრაფიული მდებარეობა (მაგ. ქალაქი, ქვეყანა) მონაცემთა სუბიექტის მოწყობილობიდან;

უნიკალური იდენტიფიკატორი (განმცხადებლის ID), შექმნილი მხოლოდ მონაცემთა სუბიექტის და მისი პერსონალური მონაცემების საინფორმაციო სისტემაში ასახვისთვის;

საჯაროდ ხელმისაწვდომი მონაცემები: ინფორმაცია, რომ პირი არის პოლიტიკურად აქტიური პირი, ან შედის სანქცირებული პირების სიაში;

პერსონალური ინფორმაცია, რომელიც მონაცემთა დამმუშავებელმა მიიღო მაკონტროლებლისგან, მაგალითად საკონტაქტო ინფორმაცია;

მონაცემთა სუბიექტების მიერ დამატებით მოწოდებული პერსონალური ინფორმაცია, როგორიცაა მონაცემთა დამმუშავებელთან მისი კომუნიკაციის დროს მიღებული მონაცემები (მაგ. მოთხოვნები, ანგარიშები).

ნებისმიერი სხვა კანონით სავალდებულო ინფორმაცია.

მომხმარებელი ადასტურებს და თანახმაა, რომ:

მომხმარებლის სახის გამოსახულებები დამუშავდება მისი სახის ნამდვილობის დასადასტურებლად ან/და იმის დასამოწმებლად, რომ მოცემული პირადობის დამადასტურებელი დოკუმენტი წარმოდგენილია მისი კანონიერი მფლობელის მიერ.

WhiteBIT-ს შეუძლია ჩაიწეროს ან აკონტროლოს WhiteBIT-სა და მომხმარებელს შორის სატელეფონო საუბრები, რათა დარწმუნდეს, რომ WhiteBIT აკმაყოფილებს მომსახურების სტანდარტებს, ან და შეუძლია განახორციელოს ვიდეოთვალთვალი ნორმატიული მოთხოვნების საფუძველზე, ამ ხელშეკრულების 25-ე მუხლის შესაბამისად.

მომხმარებლის პერსონალური მონაცემები დამუშავდება ტექსტის ავტომატური ამოღების, ავთენტურობის დამოწმების და ფოტოების და დოკუმენტების სკანირებული ასლების ავტომატური დამუშავების სხვა მეთოდებით; მომხმარებელი თანახმაა მონაცემების შემდეგი სახის დამუშავებაზე: შეგროვება, ჩაწერა, ორგანიზება, სტრუქტურირება, შენახვა, ადაპტირება ან შეცვლა, მოძიება, კონსულტაცია, გამოყენება, გამჟღავნება მონაცემთა მაკონტროლებლისთვის და მონაცემთა დამმუშავებლებისთვის გადაცემის გზით, გავრცელება ან სხვა ფორმით ხელმისაწვდომობა იმ ამოცანისთვის, რომელიც სრულდება საზოგადოებრივი ინტერესებიდან გამომდინარე, ან სამსახურებრივი უფლებამოსილების განხორციელების ფარგლებში, გადაცემა (მათ შორის, საჭიროების შემთხვევაში, ტრანსსასაზღვრო გადაცემა), გაერთიანება, შეზღუდვა, წაშლა და განადგურება.

პერსონალური მონაცემები შეიძლება გადამოწმდეს რამდენიმე მონაცემთა ბაზაში, მათ შორის საერთაშორისო პოლიტიკურად აქტიური პირების, სანქცირებული პირების, ქვეყნის სპეციფიკური სანქციების, კრიმინალურ და ფინანსურ ბაზებში, ასევე მედიის საინფორმაციო წყაროებში, გადამოწმდეს უფლებამოსილ მესამე პირებთან, კონკრეტულად იმ ორგანიზაციებთან, რომლებსაც შეუძლიათ ჩაწერონ, გამოიყენონ და გადასცენ ინფორმაცია კრედიტორებს და მზღვეველებს, მათ შორის (არა მხოლოდ): „კრედიტინფო საქართველოს" (https://ge.creditinfo.com/), მათ ელექტრონულ მონაცემთა ბაზებში შენახული როგორც დადებითი, ასევე უარყოფითი ინფორმაცია, ასევე სსიპ საქართველოს სახელმწიფო მომსახურებების განვითარების სააგენტოს ან/და მის უფლებამონაცვლეებს, საკრედიტო ინფორმაციის და თაღლითობასთან ბრძოლის სამსახურებს, მათ შორის (არა მხოლოდ) საქართველოს სახელმწიფო/საზედამხედველო უწყებებს (https://sda.gov.ge/);

პერსონალური მონაცემები გაუმჟღავნდება WhiteBIT-ის მომსახურების მომწოდებლებს, WhiteBIT-ის თანამშრომლებს, მომსახურების პროვაიდერებს, ფინანსური ინსტიტუტების ჩათვლით, მათ შორის ბანკებს, გადახდის მომსახურების პროვაიდერებს, ბროკერებს, ვირტუალური აქტივების მომსახურების პროვაიდერებს ან/და სხვა ფინანსურ ინსტიტუტებს, უფლებამონაცვლეებს შესაბამისი რეგულაციებით დადგენილი ვალდებულებების შესასრულებლად და WhiteBIT-თან სახელშეკრულებო ურთიერთობებში მყოფ სხვა მხარეებს. პირებს, რომლებიც მოქმედებენ როგორც WhiteBIT-ის წარმომადგენლები.

მომხმარებელი/მონაცემთა სუბიექტი ინფორმირებულია მისი უფლებების შესახებ:

ნებისმიერ დროს და განმარტების გარეშე გააუქმოს თანხმობა და მოითხოვოს მონაცემთა დამუშავების შეწყვეტა;

WhiteBIT-ისგან მოითხოვოს მონაცემებზე წვდომა, მონაცემების შესწორება, განახლება, მონაცემის დამატება.

მოითხოვოს მისი პერსონალური მონაცემების წაშლა, დაბლოკვა.

თუმცა, WhiteBIT უფლებას იტოვებს არ დააკმაყოფილოს მომხმარებლის/მონაცემთა სუბიექტის მოთხოვნა, თუ არსებობს მონაცემების დამუშავების/შენახვის სხვა საფუძველი ან/და მონაცემთა დამუშავება დასაშვებია კანონით.

აღნიშნული მოთხოვნებით მომხმარებელი უნდა დაუკავშირდეს WhiteBIT-ს, შეტყობინების გაგზავნით მისამართზე:

ელ. ფოსტა support@whitebit.ge

ვებ-გვერდი https://whitebit.ge/

თუ WhiteBIT მომხმარებლის ინფორმაციას გადასცემს მომსახურების პროვაიდერს ან სხვა ქვეყანაში არსებულ სხვა ფინანსურ ინსტიტუტს, WhiteBIT უნდა დარწმუნდეს, რომ მომსახურების პროვაიდერი ან ფინანსური ინსტიტუტი თანახმაა გამოიყენოს დაცვის იგივე დონე, რისი გამოყენებაც WhiteBIT-ს ევალება საქართველოში არსებულ ინფორმაციასთან მიმართებაში და გამოიყენეოს თქვენი ინფორმაცია მხოლოდ მომსახურების მიწოდების მიზნით.

თუ მომხმარებელი აწვდის, ან ადრე მიაწოდა WhiteBIT-ს ელ. ფოსტის მისამართი, WhiteBIT-ს შეუძლია პერიოდულად გაუგზავნოს მომხმარებელს ელ. წერილები. ვებგვერდის მეშვეობით WhiteBIT-სთვის მიწოდებული ელ.ფოსტა დაფიქსირდება კლიენტთან და საჯარო კომუნიკაციებთან დაკავშირებით მოქმედი სამართლებრივი და მარეგულირებელი მოთხოვნების შესაბამისად.

WhiteBIT-ის ვებგვერდის ზოგიერთი სპეციალური ფუნქცია მოითხოვს რეგისტრაციას, სანამ მომხმარებელი შეძლებს მათ გამოყენებას. რეგისტრაციისას მომხმარებელს მიეწოდება დამატებითი ინფორმაცია პერსონალურ მონაცემებთან დაკავშირებით. მისი მიღებით, მომხმარებელი გასცემს ნებაყოფლობით, ცალსახა თანხმობას, რომ მისი პერსონალური მონაცემები დამუშავდება, შეინახება და განიკარგება WhiteBIT-ის მიერ, რათა გაწიოს მომსახურება, მოახდინოს მომხმარებლის ვერიფიკაცია და განახორციელოს მომხმარებელთა შემოწმების პროცედურები WhiteBIT-ის შიდა პოლიტიკის და საქართველოს კანონმდებლობის ან/და შესაბამისი საკანონმდებლო ორგანოს ნორმატიული მოთხოვნების მიხედვით.

WhiteBIT-ის ვებგვერდით სარგებლობის დაწყებამდე, მომხმარებელს შეუძლია დაეთანხმოს ქუქი-ფაილებს ღილაკზე „დადასტურება" დაჭერით. თუ მომხმარებელი არ ეთანხმება „ქუქი ფაილების პოლიტიკას", თუმცა იგი მაინც განაგრძობს ვებგვერდის გამოყენებას, ეს ქმედება მაინც ჩაითვლება მომხმარებლის მიერ დადასტურებად. WhiteBIT არ იყენებს ქუქი ფაილებს და მომხმარებლის ქცევის მონიტორინგის შედეგად მიღებულ მონაცემებს პერსონალური ინფორმაციის შეგროვების მიზნით.

მომხმარებელს ქუქი-ფაილების შეზღუდვა ან დაბლოკვა შეუძლია ბრაუზერის პარამეტრების შეცვლით. გასათვალისწინებელია, რომ WhiteBIT-ის მიერ შემოთავაზებული ზოგიერთი მომსახურება მიუწვდომელი იქნება, თუ მომხმარებელი დაბლოკავს ან წაშლის ქუქი ფაილებს.

მომხმარებლისთვის ცნობილია და ადასტურებს, რომ ინტერნეტ კომუნიკაცია არ არის უსაფრთხო, თუ გაგზავნილი მონაცემები არ არის დაშიფრული. WhiteBIT არ იღებს პასუხისმგებლობას მესამე მხარის მიერ არაავტორიზებულ წვდომაზე ან/და ფიზიკური პირების მიერ WhiteBIT-ისათვის გაგზავნილ დაზიანებულ მონაცემებზე.

ინტერნეტით გაგზავნილი შეტყობინებები არ შეიძლება იყოს სრულიად უსაფრთხო, რადგან ისინი ექვემდებარება ჩარევას, დაკარგვას ან შეცვლას. WhiteBIT არ არის პასუხისმგებელი მომხმარებლის ან სხვა მხარის წინაშე რაიმე ზიანზე, ან სხვაგვარად მომხმარებლის მიერ WhiteBIT-ისთვის ან WhiteBIT-ის მიერ მომხმარებლისთვის ინტერნეტით გაგზავნილ შეტყობინებებზე.

მომხმარებელი ადასტურებს, რომ იმ შემთხვევებში, როდესაც ვებგვერდი წვდომისთვის მოითხოვს იდენტიფიკაციას, მომხმარებელი მიმართავს უსაფრთხოების პროცედურებს, რათა შეზღუდოს არაავტორიზებული პირების წვდომა მის პაროლზე ან სხვა საიდენტიფიკაციო ინფორმაციაზე.

მომხმარებელი ადასტურებს, რომ არ გამოიყენებს ავტომატურ მოწყობილობებს ან მექანიკურ პროცესებს WHITEBIT-ის ვებგვერდის, მონაცემების, ან აქ მოცემული კონტენტის მონიტორინგის და კოპირებისთვის, ან სხვა არაავტორიზებული მიზნისთვის, WHITEBIT-ის წინასწარი წერილობითი თანხმობის გარეშე.

12. ვებგვერდის და პლატფორმის უკანონო გამოყენების პრევენცია

პლატფორმაზე ან/და მომსახურებებზე წვდომით და სარგებლობით, მომხმარებელი თანახმაა დაიცვას ყველა კანონის, რეგულაციის, ინტელექტუალური საკუთრების უფლების და მესამე მხარის სხვა უფლებების მოთხოვნები, არ მიმართოს დანაშაულებრივ ქმედებას და იყოს პასუხისმგებელი საკუთარ მოქმედებაზე WHITEBIT-ის პლატფორმით და მომსახურებებით სარგებლობისას. აღნიშნულის შეუზღუდავად, მომხმარებელი თანახმაა: არ მოგვაწოდოს ყალბი, არაზუსტი, ან შეცდომაში შემყვანი ინფორმაცია (დოკუმენტები);

არ ისარგებლოს მომსახურებებით (პლატფორმით) თაღლითური ან/და სხვა უკანონო საქმიანობისთვის, მათ შორის არალეგალურად მიღებული საკრედიტო და სადებეტო ბარათების გამოყენებით;

არ ისარგებლოს მომსახურებებით (პლატფორმით) რათა გადაიხადოს ან რაიმე ფორმით მონაწილეობა მიიღოს უკანონო აზარტულ თამაშებში, თაღლითობაში, ფულის გათეთრებაში, ტერორისტულ საქმიანობაში ან სხვა უკანონო ქმედებებში;

არ ისარგებლოს მომსახურებებით (პლატფორმით) ისეთი ოპერაციების ან საქმიანობის დასაფინანსებლად, რომელზეც მოქმედი კანონმდებლობით გათვალისწინებულია ადმინისტრაციული, სისხლის სამართლის ან სამოქალაქო პასუხისმგებლობა;

არ ისარგებლოს მომსახურებებით (პლატფორმით) იმგვარად, რომ შეაფერხოს, უარყოფითად იმოქმედოს, ან ხელი შეუშალოს სხვა მომხმარებლებს მომსახურებებით (პლატფორმით) სრულად სარგებლობაში და არ გამოიწვიოს პლატფორმის დაზიანება, გათიშვა, გადატვირთვა, ან ფუნქციონირების შეფერხება;

არ გამოიყენოს ავტომატიზირებული ხელსაწყოები ან ინტერფეისები, რომლებიც არ არის WhiteBIT-ის მიერ უზრუნველყოფილი მომსახურებებზე წვდომისთვის ან მონაცემების აღებისთვის;

არ ისარგებლოს სხვა მომხმარებლის ანგარიშით;

არ ისარგებლოს მომსახურებებით (პლატფორმით) ამ ხელშეკრულებით გათვალისწინებული პროცედურის გვერდის ავლით, ან მომხმარებლის პლატფორმაზე წვდომის დონის გვერდის ავლით; არ შევიდეს მომსახურებების რომელიმე განყოფილებაში, ვებგვერდზე ან პლატფორმაზე, რომელზეც მომხმარებელს არ აქვს წვდომის უფლება;

რაიმე ფორმით არ შეცვალოს ვებგვერდზე ან პლატფორმაზე გამოყენებული პროგრამული უზრუნველყოფა, არ განახორციელოს ქმედება, რომელიც მიმართულია ვებგვერდის ფუნქციონირების შეცვლაზე, პლატფორმის გათიშვაზე, ან ვებგვერდის მუშაობაში ჩარევაზე;

არ მიაყენოს სიტყვიერი შეურაცხყოფა ან განახორციელოს სხვა ქმედებები, რომლებიც არღვევს სხვა მომხმარებლების ან/და მესამე პირების უფლებებს და თავისუფლებებს;

არ დააკოპიროს ან/და გაავრცელოს ვებ-გვერდზე გამოქვეყნებული ან პლატფორმის მიერ გამოყენებული ინტელექტუალური საკუთრება; დააკოპიროს ან სხვა ფორმით გამოიყენოს ვებგვერდის პროგრამის (კოდის) ნაწილები, პლატფორმა, ვებგვერდის დიზაინი; მესამე მხარის პერსონალური მონაცემები მათი თანხმობის გარეშე;

WHITEBIT-ის წინასწარი წერილობითი თანხმობის გარეშე არ შექმნას მესამე მხარის აპლიკაცია, რომელიც ურთიერთქმედებს მომსახურეებთან.

მომხმარებლების მხრიდან საეჭვო ტრანზაქციების იდენტიფიცირების შემთხვევაში, გადამოწმებისთვის ანგარიშზე წვდომა შეიძლება შეიზღუდოს (შეჩერდეს) 30 (ოცდაათი) სამუშაო დღის ვადით.

მომხმარებელი თანახმაა, რომ ამ ხელშეკრულების დარღვევის შემთხვევაში, WhiteBIT უფლებამოსილია შეაჩეროს ან გააუქმოს მომხმარებლის ანგარიში.

13. რისკების შესახებ გაფრთხილება და რისკებზე პასუხისმგებლობის აღება

ციფრული აქტივებით ვაჭრობა და ტრანზაქციების განხორციელება მნიშვნელოვან რისკებთანაა დაკავშირებული. ფასები შეიძლება ყოველდღიურად მერყეობდეს. ფასების მერყეობას შეუძლია ნებისმიერ დროს გაზარდოს ან შეამციროს მომხმარებლის აქტივების ღირებულება. ნებისმიერმა აქტივმა, ვირტუალურმა თუ სხვამ, შეიძლება განიცადოს ღირებულების მნიშვნელოვანი რყევები, ან სრულად გაუფასურდეს. არსებობს ზარალის თანდაყოლილი რისკი, ბაზარზე შესყიდვის, გაყიდვის ან ვაჭრობის შედეგად.

ამასთან, ციფრული აქტივებით ვაჭრობა დაკავშირებულია სპეციალურ რისკებთან, რომლებიც ჩვეულებრივ არ არის დამახასიათებელი ფიატი ფულის ან/და საქონლის ან/და არა ვირტუალური/ციფრული აქტივებისთვის. მთავრობების მიერ გარანტირებული ფიატი ფულისგან განსხვავებით, ციფრული აქტივები უნიკალური ტიპის აქტივებია, რომელიც მხარდაჭერილია ტექნოლოგიით და სანდოობით. არ არსებობს ცენტრალური ბანკი, რომელსაც შეუძლია კრიზისის დროს გამოუშვას მეტი ვალუტა, ან მიიღოს ზომები ციფრული აქტივების ღირებულების დასაცავად.

ციფრული აქტივებით ვაჭრობა ხშირად ექვემდებარება ირაციონალურ (ან რაციონალურ) „ბაბლებს" ან სანდოობის დაკარგვას, რამაც შეიძლება გამოიწვიოს მოთხოვნის კლება მიწოდებასთან შედარებით. მაგალითად, ციფრული აქტივებისადმი ნდობა შეიძლება დაეცეს პროგრამული უზრუნველყოფის შემქმნელების ან სხვა პირების მიერ განხორციელებული მოულოდნელი ცვლილებების, მთავრობის მიერ მიღებული ზომების, კონკურენტი ალტერნატიული ციფრული აქტივების შექმნის, აგრეთვე დეფლაციური ან ინფლაციური სპირალების გამო. ნდობა ასევე შეიძლება შემცირდეს ტექნიკური პრობლემების შედეგად: თუ სისტემის ანონიმურობა დაირღვა, თუ აქტივები დაიკარგა ან მოიპარეს, ან თუ ჰაკერებს ან მთავრობებს შეუძლიათ ხელი შეუშალონ ტრანზაქციებს.

ასევე შეიძლება არსებობდეს დამატებითი რისკები, რომლებიც არ დაგვიფიქსირებია ამ ხელშეკრულებაში.

მომხმარებლისთვის ცნობილია, რომ ციფრული აქტივებით ყველა ოპერაცია შეუქცევადია და რომ ტრანზაქციის შედეგად მიღებული აქტივები შეიძლება დაბრუნდეს მხოლოდ შესაბამის პირთან ცალკე გაფორმებული დამატებითი ხელშეკრულებით/გარიგებით. მომხმარებელს არ შეუძლია გააუქმოს, გამოიხმოს, ან შეცვალოს დასრულებული/შესრულებული სტატუსის მქონე ორდერი. მომხმარებელი პასუხისმგებელია ტრანზაქციის დეტალების სიზუსტეზე და სისწორეზე (ქსელი/ქსელი, სტანდარტი/საფულე, მისამართი/შენიშვნა ან დანიშნულების ტეგი) და იღებს აქტივის დაკარგვის რისკს. ასეთ შემთხვევებში, WhiteBIT არ ანაზღაურებს ზარალს.

მომხმარებელი ადასტურებს, რომ იცნობს ციფრულ აქტივებთან მუშაობის ძირითად პრინციპებს, ასევე ციფრული აქტივების მახასიათებლებს, რომლებიც გავლენას ახდენენ მათ ღირებულებაზე და ამასთან, იცნობს შესაბამის რისკებს, კერძოდ ღირებულების ცვალებადობის და რყევების რისკებს. მომხმარებელმა უნდა გააცნობიეროს, რომ ვაჭრობისას ციფრული აქტივების სამართლიანი და ზუსტი ფასის არ მიღების რისკი დიდია.

ამ ხელშეკრულების გაფორმებით, მომხმარებელი აღიარებს და იღებს ტრანზაქციებთან დაკავშირებულ რისკებს, თანახმაა დაიცვას მომხმარებლის ხელშეკრულების პირობები, აღიარებს და იღებს მოცემულ და ნებისმიერ სხვა რისკს.

მომხმარებლისთვის ცნობილია და თანახმაა, რომ WhiteBIT ვერ იქნება პირდაპირ ან ირიბად პასუხისმგებელი ან/და არ აქვს რაიმე ვალდებულება რომელიმე ტრანზაქციის შესრულებაზე ან პლატფორმაზე გაფორმებული ტრანზაქციით გათვალისწინებული აქტივის გადახდაზე ბლოკჩეინის ან/და მესამე მხარის მომსახურებების/ტექნოლოგიების გამოყენებით; არც WhiteBIT და არც მესამე მხარე - პროვაიდერი არ არის პასუხისმგებელი მომხმარებლის ან სხვა პირის მიერ პლატფორმაზე განხორციელებულ ტრანზაქციებზე.

WhiteBIT არ არის მომხმარებლის ბროკერი, აგენტი ან კონსულტანტი და არ გააჩნია ფიდუციარული ურთიერთობები ან ვალდებულებები მომხმარებლის მიმართ.

14. ინტელექტუალური საკუთრება და შეზღუდული გამოყენება

WhiteBIT უფლებამოსილია იმუშაოს პლატფორმაზე, ვებგვერდზე, მონაცემებზე და მის თითოეულ კომპონენტზე, სავაჭრო ნიშნებზე, მოდიფიკაციაზე, სამუშაო პროდუქტებზე, მიწოდებაზე ან სხვა მასალებზე, რომლებიც შექმნილია WhiteBIT-ის მიერ ან მისი სახელით და მასზე ყველა ინტელექტუალური საკუთრების უფლებით. ყველა უფლება, რომელიც პირდაპირი წესით არ არის გათვალისწინებული ამ ხელშეკრულებაში, ეკუთვნის WhiteBIT-ს.

მომხმარებელი არ იღებს ინტელექტუალური საკუთრების უფლებებს, გარდა შეზღუდული უფლებებისა, რომლებიც მასზე გადაცემულია WhiteBIT-ის მიერ. მომხმარებელი მიიღებს ყველა საჭირო ზომას WhiteBIT-ის ან მისი რომელიმე პროვაიდერის მიერ მოწოდებული დოკუმენტების და მასალების კონფიდენციალურობის უზრუნველსაყოფად, პლატფორმასთან და მის თითოეულ კომპონენტთან მიმართებაში.

მომხმარებელს არ აქვს უფლება:

შეცვალოს, გააუმჯობესოს პლატფორმა, ან რაიმე ფორმით მოახდინოს მისი მოდიფიცირება;

მოახდინოს დაშლა, დეკომპილირება, ინჟინერიის შეცვლა, კოპირება, შეცდომების გამოსწორება, შესწორება, განახლება, გადაცემა, ან რაიმე ფორმით მიმართოს ზომებს პლატფორმის ეკვივალენტის შესაქმნელად (მსგავსი პლატფორმა).

მომხმარებლის მიერ ამ ხელშეკრულების, AML/CFT პოლიტიკის და პროცედურების, კონფიდენციალურობის პოლიტიკის, გადასახადების პირობების დაცვის შემთხვევაში, მომხმარებელს ენიჭება შეზღუდული, გაუქმებადი, არაექსკლუზიური, არაგადაცემადი უფლება ისარგებლოს პლატფორმით, ვებგვერდით (ვადაშეიძლება დაწესდეს/შეიზღუდოს/შეიცვალოს WhiteBIT-ის მიერ), ამ მომხმარებლის ხელშეკრულებით, AML/CFT პოლიტიკით და პროცედურებით, კონფიდენციალურობის პოლიტიკით გათვალისწინებული მიზნებისთვის.

მომხმარებელი ეთანხმება და ადასტურებს, რომ WhiteBIT გამოიყენებს მომხმარებლის პერსონალურ მონაცემებს მისი კონფიდენციალურობის პოლიტიკის შესაბამისად, რომელიც შეიძლება პერიოდულად შეიცვალოს.

15. მომსახურებებით და ვებგვერდით სარგებლობა, უსაფრთხოება, ინფორმაცია

მომხმარებელი ადასტურებს და ეთანხმება, რომ WhiteBIT-ს აბსოლუტური უფლება აქვს ნებისმიერ დროს შეცვალოს ვებგვერდი და პლატფორმა, ასევე ექსკლუზიური უფლება აქვს შეიტანოს ცვლილებები მათ ფუნქციებში, კონფიგურაციაში, იერსა და კონტენტში.

არ ვიძლევით გარანტიას, რომ საიტი, მომსახურებები ან/და პლატფორმა ყოველთვის ხელმისაწვდომი იქნება ყოველგვარი შეფერხებების, ხარვეზების ან ინფორმაციის დაკარგვის გარეშე. არ ვიძლევით გარანტიას, რომ მომსახურებები (პლატფორმა) ხელმისაწვდომი იქნება მობილური აპლიკაციის საშუალებით.

მივმართავთ გონივრულ ძალისხმევას რათა მომხმარებლებს ქონდეთ წვდომა ვებგვერდზე, მომსახურებებზე ან/და პლატფორმაზე, ამ ხელშეკრულების შესაბამისად. თუმცა, შეიძლება შევაჩეროთ ვებგვერდის ან/და პლატფორმის მუშაობა ტექნიკური მომსახურებისთვის, რასაც ვაცნობებთ მომხმარებლებს. თუმცა, წინასწარ ინფორმირება შეიძლება არ იყოს შესაძლებელი საგანგებო სიტუაციებში და მომხმარებელი იღებს რისკებს, რომ ყოველთვის არ შეეძლება ისარგებლოს ვებგვერდით ან/და პლატფორმით, ან შეასრულოს გადაუდებელი ტრანზაქციები თავისი ანგარიშის გამოყენებით.

ინტერნეტის გამოყენებისას შეიძლება ადგილი ქონდეს ვირუსულ თავდასხმას ან/და კომუნიკაციის შეფერხებას. WhiteBIT არ იღებს პასუხისმგებლობას კომპიუტერული ვირუსებით, ჯაშუშური პროგრამებით, ტროას ცხენით ან სხვა მავნე პროგრამებით გამოწვეულ ზიანზე ან შეფერხებაზე, რამაც შეიძლება გავლენა მოახდინოს მომხმარებლის სისტემაზე, კომპიუტერზე ან სხვა მოწყობილობაზე, ასევე ფიშინგზე, სპუფინგზე ან სხვა ვირუსულ შეტევებზე. WhiteBIT-ის რეკომენდაციაა, რომ მომხმარებელმა ყოველთვის გამოიყენოს სანდო პროგრამული უზრუნველყოფა ვირუსების სკანირებისთვის და პრევენციისთვის. ამასთან, მომხმარებელმა სიფრთხილე უნდა გამოიჩინოს ტექსტური შეტყობინებების და ელ. ფოსტის შემოწმებისას, რომელიც ასევე დაუცველია ფიშინგის, გაყალბების და ზოგიერთი ვირუსისგან. მიზანშეწონილია, რომ მომხმარებელი შევიდეს თავის ანგარიშში მხოლოდ ვებგვერდის საშუალებით (თაღლითობის/ფიშინგისპრევენციისთვის მომხმარებელმა ფრთხილად უნდა შეამოწმოს პლატფორმის მისამართი ყოველ ჯერზე, როცა იყენებს მომსახურებებს და პლატფორმას) და არ გახსნას შეტყობინებები დაუდასტურებელი გამგზავნებისგან, რომლებიც სთავაზობენ შესვლის ოფციებს.

მიუხედავად იმისა, რომ ჩვენი მიზანია ვებგვერდზე განვათავსოთ ზუსტი და დროული ინფორმაცია, ვებგვერდი (ასევე მისი კონტენტი) შეიძლება ყოველთვის არ იყოს მაქსიმალურად ზუსტი, სრული ან აქტუალური და ასევე შეიცავდეს ტექნიკურ უზუსტობებს ან ტექსტობრივ შეცდომებს.

იმისათვის, რომ გავაგრძელოთ მომხმარებლისთვის მაქსიმალურად სრული და ზუსტი ინფორმაციის მიწოდება, ინფორმაცია შეიძლება შეიცვალოს ან განახლდეს მოქმედი კანონებით დაშვებულ ფარგლებში, წინასწარი შეტყობინების გარეშე, მათ შორის ჩვენი პოლიტიკის, პროდუქტების და მომსახურებების შესახებ. ამგვარად, მომხმარებელმა უნდა გადაამოწმოს ინფორმაცია მასზე დაყრდნობამდე (უნდა გაეცნოს მომხმარებლის ხელშეკრულების განახლებულ ვერსიას მომსახურებების/პლატფორმის ყოველ გამოყენებამდე). ვებგვერდზე განთავსებულ ინფორმაციაზე დაყრდნობით მიღებულ ყველა გადაწყვეტილებაზე პასუხისმგებელია მომხმარებელი).

მომხმარებელი აცხადებს და იძლევა გარანტიას, რომ თუ ვებგვერდზე ატვირთავს რაიმე კონტენტს, მათ შორის ნებისმიერ ტექსტს, ფოტოს, ან სხვა მასალას, ეს არ იქნება: ყალბი, შეცდომაში შემყვანი ან უკანონოდ მოპოვებული ინფორმაცია; საავტორო უფლებებით დაცული მასალა, რომლის საჯაროდ გამოქვეყნების უფლებაც მომხმარებელს არ აქვს; უცენზურო, შეურაცხმყოფელი, უკანონო კონტენტი, ან ნებისმიერი სხვა მასალა, რომელმაც შეიძლება ზიანი მიაყენოს ან საფრთხე შეუქმნას WhiteBIT-ის რეპუტაციას; ასევე მოქმედი კანონმდებლობით აკრძალული მასალა.

მომხმარებლის ზემოაღნიშნული პასუხისმგებლობისგან გათავისუფლების გარეშე, WhiteBIT-ს შეუძლია საკუთარი შეხედულებისამებრ წაშალოს კონტენტი, რომელიც არღვევს ზემოაღნიშნულ მოთხოვნებს და მიიღოს დამატებითი ზომები, რომელსაც საჭიროდ ჩათვლის. WhiteBIT არ არის ვალდებული შეამოწმოს ასეთი კონტენტი და არ იღებს პასუხისმგებლობას აღნიშნულზე.

მომხმარებელი აღიარებს და ეთანხმება იმ ფაქტს, რომ WhiteBIT მოკლებულია შესაძლებლობას და არ იძლევა გარანტიას ვებგვერდის რომელიმე მომხმარებლის მიერ განთავსებული კონტენტის და ინფორმაციის ავთენტურობაზე, იდენტურობაზე ან სანდოობაზე; ამრიგად, მომხმარებელი ეყრდნობა სხვა მომხმარებლების კონტენტს მხოლოდ მისი შეხედულებისამებრ და საკუთარი რისკით.

16. ხელშეკრულების შეზღუდვა, შეჩერება ან შეწყვეტა

მომხმარებელს უფლება აქვს შეწყვიტოს ეს ხელშეკრულება და დახუროს თავისი ანგარიში ნებისმიერ დროს, მას შემდეგ რაც დაასრულებს ყველა ტრანზაქციას (მისი მონაწილეობით), გადაიხდის მოქმედ საფასურს და შეასრულებს ყველა სხვა ვალდებულებას, რომელიც პირდაპირ ან ირიბად წარმოიშვა მის მიერ მომსახურებების (პლატფორმის) გამოყენებისას.

ამ ხელშეკრულების სხვა დებულებების მიუხედავად, მომხმარებელი ადასტურებს, რომ WhiteBIT უფლებამოსილია შეუზღუდოს მომხმარებელს წვდომა, დააწესოს შეზღუდვები ან/და დროებით შეაჩეროს ანგარიში ან/და მომხმარებლის წვდომა ვებგვერდზე, პლატფორმაზე, მომსახურებებზე (ორდერების განთავსების და ტრანზაქციის განხორციელების შესაძლებლობის ჩათვლით), მთლიანად ან ნაწილობრივ, ან უარი თქვას ნებისმიერ ტრანზაქციაში მონაწილეობაზე, დაბლოკოს ანგარიშზე არსებული აქტივები, თუ WhiteBIT-ის შეხედულებისამებრ წარმოიქმნება შემდეგი გარემოებები, ან WhiteBIT მიიჩნევს, რომ ასეთი გარემოება შესაძლებელია წარმოიქმნას, გადაწყვეტილების მართებულობის სამართლებრივი ან სხვა მიზეზის დამტკიცების ან დემონსტრირების საჭიროების გარეშე:

ვებგვერდის ან/და პლატფორმის სრული ან ნაწილობრივი მწყობრიდან გამოსვლა, მათ შორის ვებგვერდის ან/და პლატფორმის შემადგენელი ნებისმიერი ტექნოლოგიის ან ვებგვერდის ან/და პლატფორმის შიგნით, ან/და ვებგვერდს ან/და პლატფორმას და სხვა პირს შორის არსებული საკომუნიკაციო არხის მწყობრიდან გამოსვლა, ან რაიმე სხვა გარემოება, როდესაც WhiteBIT მიიჩნევს, რომ ვერ უზრუნველყოფს წვდომას ვებგვერდზე ან/და პლატფორმაზე;

ვებგვერდის ან/და პლატფორმის უსაფრთხოების პარამეტრების დარღვევა;

ამ ხელშეკრულების, AML/CFT პოლიტიკის, კონფიდენციალურობის პოლიტიკის ან მოქმედი კანონების და რეგულაციების დარღვევის ეჭვის, ან ფაქტიური დარღვევის დროს;

კანონის დაცვის მიზნით (მათ შორის ციფრული აქტივის აკრძალვის ან შეზღუდვის შემთხვევაში);

ანგარიშზე უჩვეულო ან/და საეჭვო აქტივობის, არაავტორიზებული წვდომის გამოვლენა;

ხელისუფლების ორგანოების პროცედურული ქმედებები კონკრეტულ ანგარიშთან ან/და მომხმარებელთან, სისხლის სამართლის გამოძიებასთან ან სამართლებრივ პროცესთან დაკავშირებით; სასამართლოს ან სამთავრობო უწყების გადაწყვეტილება; სასამართლო და ადმინისტრაციული წარმოება მომხმარებლის ანგარიშთან დაკავშირებით;

WhiteBIT-ის მიერ ამ მუხლის შესაბამისად განხორციელებული ქმედება გაგრძელდება WhiteBIT-ის მიერ დადგენილი ვადით. მომხმარებელი თანახმაა, რომ წვდომის შეზღუდვის, ლიმიტის ან დროებითი შეჩერებისთვის თავის არიდება, ან ამ ხელშეკრულების ამ მუხლისთვის თავის არიდების მცდელობა წარმოადგენს ამ ხელშეკრულების არსებით დარღვევას; ამ მუხლით გათვალისწინებული ქმედებები წარმოადგენს WhiteBIT-ის უფლებას და არა ვალდებულებას. ამასთან, მომხმარებელი აღიარებს და თანახმაა, რომ ამ მუხლში მოყვანილი ნებისმიერი გარემოების დადგომის შემთხვევაში, WhiteBIT-ს შეუძლია გააუქმოს ტრანზაქცია, რომელიც მომხმარებელმა დაიწყო ან შეასრულა პლატფორმის გამოყენებით.

WhiteBIT უფლებამოსილია დაუყოვნებლივ შეაჩეროს ანგარიშის მოქმედება, დაბლოკოს ანგარიშზე არსებული სახსრები, შეაჩეროს წვდომა მომსახურებებზე (პლატფორმაზე) ან/და შეწყვიტოს ანგარიშის მოქმედება შემდეგ შემთხვევებში: ანგარიშზე აქტივობის დაფიქსირება, რომელიც დაკავშირებულია ფულის გათეთრებასთან, ტერორიზმის დაფინანსებასთან; მომხმარებლის მიერ ფულის გათეთრების საწინააღმდეგო, ტერორიზმის დაფინანსების აღკვეთის მოქმედი კანონების და რეგულაციების დარღვევა;

მომხმარებლის ანგარიში და მასთან დაკავშირებული საქმიანობა გახდა სისხლის სამართლის გამოძიების საგანი;

ანგარიშის გამოყენება გაეროს, ევროკავშირის ან აშშ-ს სანქცირებული პირის მიერ;

მომხმარებლის მიერ ამ ხელშეკრულების, კონფიდენციალურობის პოლიტიკის ან მოქმედი კანონისა და რეგულაციის ფაქტიური დარღვევა;

სავალდებულოა სასამართლოს ან უფლებამოსილი სამთავრობო უწყების ბრძანებით.

თაღლითობის, ფულის გათეთრების, ტერორიზმის დაფინანსების საწინააღმდეგო კანონებისა და რეგულაციების გამო ამ ხელშეკრულების შეწყვეტის შემთხვევაში, მომხმარებლის მიერ ამ ხელშეკრულების არსებითი დარღვევისას (მათ შორის სანქცირებული პირის მიერ მომსახურებით სარგებლობა) ან თაღლითური ტრანზაქციების გამოძიების და ფულის გათეთრების წინააღმდეგ ბრძოლის ფარგლებში, WhiteBIT უფლებამოსილია გააუქმოს მომხმარებლის ანგარიშის მონაცემები ან/და დააკისროს ჯარიმა ანგარიშზე არსებული სრული ნაშთის ოდენობით. მიუხედავად ამ ხელშეკრულებაში მოცემული საპირისპირო დებულებისა, WhiteBIT ცალმხრივად, საკუთარი შეხედულებისამებრ, შემდგომი დამტკიცების ან დემონსტრირების საჭიროების გარეშე, ან გადაწყვეტილების საფუძვლის გარეშე უფლებამოსილია შეწყვიტოს ხელშეკრულება და მომხმარებლისთვის მომსახურების გაწევა: სამთავრობო უწყების, მათ შორის საქართველოს ეროვნული ბანკის ან/და საქართველოს ფინანსური მონიტორინგის სამსახურების მოთხოვნისამებრ.

მარეგულირებელ კანონში, საერთაშორისო მარეგულირებელ აქტებში ცვლილებების შემთხვევაში, რაც მნიშვნელოვნად აისახება სტანდარტულ საქმიანობაზე ან/და ხელს უშლის WhiteBit-ს მომსახურების სრულად ან ნაწილობრივ გაწევაში, ან/და ამ შეთანხმებით გათვალისწინებული მოვალეობების შესრულებაში.

WhiteBit-ის ერთპიროვნული გადაწყვეტილებით, შეწყვეტის შესახებ მომხმარებლის ინფორმირებით და მომხმარებლისთვის გონივრული ვადის განსაზღვრით, რათა დახუროს ელექტრონული საფულე ან ამ მიზნით გაიტანოს აქტივები.

17. განცხადებები და გარანტიები

ამ მომხმარებლის ხელშეკრულების გაფორმების თარიღზე და მომსახურებების/ვებგვერდის ყოველი გამოყენების თარიღზე (ნებისმიერი აქტივის დეპონირება/გამოტანა, თითოეული ორდერის განთავსება, თითოეული ტრანზაქციის განხორციელება/ინიციაცია), მომხმარებელი წარმოადგენს და გარანტიას აძლევს WhiteBIT-ს და ეთანხმება WhiteBIT-ის, მისი შვილობილი კომპანიების და მათი წარმომადგენლების სასარგებლოდ, რომ: მომხმარებელი გაეცნო ყველა დოკუმენტს (მათ შორის, ვებ-გვერდზე გამოქვეყნებული) მომხმარებლისთვის მოწოდებულ მომსახურებებთან და პლატფორმასთან დაკავშირებით, და მომხმარებელს ესმის და ეთანხმება, რომ WhiteBIT-ის მიერ მოწოდებული მომსახურებების გამოყენება რეგულირდება ამ დოკუმენტებით, და მათში დროდადრო შეტანილი შესწორებებით/ცვლილებებით. მომხმარებელი არ უნდა დარეგისტრირდეს პლატფორმაზე, შექმნას ანგარიში ან შეიტანოს აქტივები, განათავსოს ორდერი, შეასრულოს/დაიწყოს ტრანზაქცია, გამოიყენოს სხვა მომსახურებები, რომლებიც ხელმისაწვდომია პლატოფრმაზე/ვებგვერდზე, თუ მომხმარებელმა არ იცის, როგორ ხდება მომსახურებების გაწევა ან პლატფორმის მუშაობა ან მომსახურებებთან დაკავშირებული რისკები, ან დაკავშირებული რისკების ხასიათი.

ამ მომხმარებლის ხელშეკრულების შესრულება და ამ მომხმარებლის ხელშეკრულებით გათვალისწინებული ყველა ვალდებულების შესრულება სათანადოდ არის ავტორიზებული მომხმარებლის ყველა საჭირო ქმედებით და თითოეული პირი, რომელიც ახორციელებს ამ მომხმარებლის ხელშეკრულებას (ან უფლებამოსილია მიიღოს მისი პირობები ელექტრონულად ან სხვაგვარად) და ახორციელებს თითოეულ ტრანზაქციას (ან იყენებს სხვა მომსახურებებს) მომხმარებლის სახელით, სათანადოდ არის უფლებამოსილი ამის გასაკეთებლად. მომხმარებლის მიერ WhiteBIT-ისთვის მიწოდებული ყველა ინფორმაცია, მათ შორის, მაგრამ არ შემოიფარგლება, მომხმარებლის მიერ მის ანგარიშში მოწოდებული ინფორმაცია, არის სანდო, ზუსტი და არა შეცდომაში შემყვანი.

მომხმარებელი დებს პირობას, რომ: უზრუნველყოფს აქტივების სრულ ოდენობას, რომელიც აუცილებელია მომხმარებლის მიერ ინიცირებული თითოეული ტრანზაქციის განსახორციელებლად;

მომხმარებლის მიერ ამ ხელშეკრულების შესრულება და ყოველი ტრანზაქციის გაფორმება (ან/და სხვა მომსახურებების გამოყენება), ასევე მომხმარებლის მიერ ამ ხელშეკრულებით გათვალისწინებული ვალდებულებების შესრულება და მომსახურებების (პლატფორმის) გამოყენება არ დაარღვევს არცერთ მოქმედ კანონს ან კანონქვემდებარე ნორმატიულ აქტს;

მომხმარებელმა მიიღო და შეასრულებს ყველა ლიცენზიის, თანხმობის, რეგისტრაციის, ნებართვის, ავტორიზაციის, გამონაკლისის პირობებს, რომლებიც აუცილებელია ამ ხელშეკრულებით გათვალისწინებული მომსახურებების და პლატფორმის გამოსაყენებლად, მათ შორის ანგარიშის შევსებისთვის/აქტივის გატანისთვის, პლატფორმაზე შესვლისთვის/ტრანზაქციის განხორციელებისთვის;

მომხმარებელს აქვს საკმარისი გამოცდილება და ცოდნა, რათა მიიღოს ინფორმირებული გადაწყვეტილებები მომსახურებების/პლატფორმის გამოყენებასთან დაკავშირებით. მომხმარებელი არ დაეყრდნობა WhiteBIT-ის შეტყობინებას ან განცხადებას (წერილობითს ან ზეპირს), როგორც საინვესტიციო რჩევას, ან რეკომენდაციას, რაიმე გარიგების გასაფორმებლად; მომხმარებელი გონივრულად და ფრთხილად განსაზღვრავს, გააფორმოს თუ არა ტრანზაქცია, ან განახორციელოს აქტივობები პლატფორმაზე (ისარგებლოს მომსახურებებით);

პირი, რომელიც შედის პლატფორმაზე, არის ანგარიშის მფლობელი და არ მოქმედებს მესამე მხარის სახელით.

WhiteBIT აცხადებს და იძლევა გარანტიას, რომ უზრუნველყოფს მომსახურებებს და შეასრულებს თავის ვალდებულებებს გონივრულად და პროფესიონალურად. 18. პასუხისმგებლობის შეზღუდვა და რეკომენდაციის საკითხი

მოქმედი კანონმდებლობით დაშვებულ ფარგლებში, მომსახურებები, პლატფორმა, ვებგვერდი, მობილური აპლიკაცია, მასალები და ნებისმიერი პროდუქტი ან სხვა ელემენტი, რომელიც მიწოდებულია WhiteBIT-ის მიერ ან მისი სახელით, მიწოდებულია მზა და ხელმისაწვდომ ფორმატში; WhiteBIT უარს ამბობს და მომხმარებელი უარს იტყვის ყველა სხვა სახის გარანტიაზე, ფაქტიურ თუ ნაგულისხმევზე, მათ შორის ნაგულისხმევ გარანტიებზე ფუნქციონირების, კონკრეტული მიზნისთვის ვარგისიანობის ან გარანტიების დაურღვევლობაზე. ზემოაღნიშნულის შეუზღუდავად, WhiteBIT არ იძლევა გარანტიას, რომ მომსახურებები, პლატფორმა, ვებგვერდი, მობილური აპლიკაცია და მასალები არის ზუსტი, სრული, სანდო, განახლებული, უხარვეზო, ვირუსების და სხვა მავნე კომპონენტების გარეშე.

WhiteBIT არ იძლევა გარანტიას, რომ ესა თუ ის ორდერი შესრულდება, მიიღება, ჩაიწერება ან დარჩება მიმდინარე სტატუსით. გარდა ამ ხელშეკრულებით გათვალისწინებული მკაფიო განცხადებებისა, მომხმარებელი აცხადებს, რომ იგი არ დაყრდნობია პლატფორმის, ვებგვერდის, მობილური აპლიკაციის გამოყენების სხვა წერილობით თუ ზეპირ გარანტიებს. მომხმარებელი თანახმაა, რომ WhiteBIT არ იქნება პასუხისმგებელი ზარალზე ან ზიანზე, რომელიც წარმოიქმნება:

ციფრული აქტივების ფასის მონაცემების უზუსტობის ან ხარვეზის შედეგად;

ამ მონაცემების გადაცემაში, მიღებაში შეცდომის ან შეფერხების შედეგად;

ნებისმიერი ზიანის შედეგად, რომელიც გამოწვეულია სხვა მომხმარებლის ქმედებებით, უმოქმედობით, ან ამ ხელშეკრულების დარღვევით.

ამ მუხლში მოცემული გარანტიების შესახებ დათქმები შესაძლოა არ გამოიყენებოდეს, თუ ეს იკრძალება/მომავალში აიკრძალება მოქმედი კანონმდებლობით.

მოქმედი კანონმდებლობით დაშვებულ ფარგლებში, WhiteBIT-ის შვილობილი კომპანიები, WhiteBIT-ის და მისი შვილობილი კომპანიების აქციონერები, მფლობელები, წევრები, დირექტორები, მოხელეები, თანამშრომლები, ადვოკატები, წარმომადგენლები, მომწოდებლები ან კონტრაქტორები არც ერთ შემთხვევაში არ იქნებიან პასუხისმგებელნი რაიმე შემთხვევით, არაპირდაპირ, თანმიმდევრულ ან მსგავს ზიანზე (მათ შორის ზიანზე მონაცემთა, ინფორმაციის, შემოსავლის, მოგების ან სხვა სარგებლის დაკარგვის გამო), რომელიც უკავშირდება მომსახურებებს, პლატფორმას, ვებგვერდს, მობილურ აპლიკაციას, ასევე მომსახურებების, პლატფორმის, ვებგვერდის, მობილური აპლიკაციის ან ნებისმიერი სხვა პროდუქტის მუშაობას ან მწყობრიდან გამოსვლას.

ზემოაღნიშნულის მიუხედავად, WhiteBIT-ის, მისი შვილობილი კომპანიების და მათი აქციონერების, მფლობელების, წევრების, დირექტორების, მოხელეების, თანამშრომლების, ადვოკატების, აგენტების, წარმომადგენლების, მომწოდებლების ან კონტრაქტორების პასუხისმგებლობა, რომელიც უკავშირდება მომსახურებების, პლატფორმის, ვებგვერდის, მობილური აპლიკაციის, ნებისმიერი სხვა პროდუქტის ან სხვა ელემენტის მუშაობას, არც ერთ შემთხვევაში არ უნდა აღემატებოდეს თქვენს მიერ ამ ხელშეკრულების ფარგლებში WhiteBIT-ისთვის გადახდილი საფასურის ოდენობას ექვსთვიანი პერიოდის განმავლობაში, რომელიც უშუალოდ წინ უძღოდა პასუხისმგებლობის დადგომას.

WhiteBIT არ იძლევა გარანტიას პლატფორმაზე მონაცემის ან სხვა ინფორმაციის დროულობაზე, სიზუსტესა და სისრულეზე, რომელსაც მომხმარებელი იღებს პლატფორმაზე წვდომისას ან პლატფორმით სარგებლობისას. WhiteBIT არ არის პასუხისმგებელი პროგრამულ უზრუნველყოფასთან, ტექნოლოგიასთან ან მოწყობილობასთან, პლატფორმასთან, არსებულ ტექნოლოგიასთან, მონაცემებთან ან სხვა ინფორმაციასთან, მასალასთან, ციფრულ აქტივებთან, პლატფორმის მიერ მომხმარებლის მოთხოვნების დაკმაყოფილებასთან, წვდომის შეუფერხებლობასთან, დროულობასთან, უსაფრთხოებასთან, სისრულესთან, სიზუსტესთან, შეცდომების და ხარვეზების არსებობასთან დაკავშირებულ პრეტენზიებზე.

მომხმარებლისთვის ცნობილია, რომ მის მიერ გამოყენებულ პროგრამულ უზრუნველყოფას და მოწყობილობებს შესაძლოა არ ქონდეს პლატფორმის გარკვეული ფუნქციების მხარდაჭერა.

არც WhiteBIT და არც მესამე მხარე, რომელიც WhiteBIT-ს აწვდის ინფორმაციას ვებგვერდზე და პლატფორმაზე, არ გირჩევთ, არ იცავს, არ უწევს რეკომენდაციას რომელიმე ციფრულ აქტივის, სავაჭრო წყვილს ან ტრანზაქციას, რომელიც არსებობს ან სრულდება პლატფორმაზე. მომხმარებელი აღიარებს ციფრული აქტივების ბაზრებთან და სავაჭრო ტრანზაქციებთან დაკავშირებულ მნიშვნელოვან რისკებს. WhiteBIT არ იძლევა ფინანსურ, საგადასახადო, იურიდიულ, საინვესტიციო ან სხვა რეკომენდაციებს. ნებისმიერი ინფორმაცია ფასებზე, ციტირებებზე, პროგნოზებზე, მომგებიანობის შეფასებებზე ან ისტორიულ ინდიკატორებზე განკუთვნილია მხოლოდ საინფორმაციო მიზნებისთვის, არ იძლევა სამომავლო შედეგების გარანტიას და არ არის ყიდვა-გაყიდვის შეთავაზება, ან ციფრული აქტივის ყიდვის/გაყიდვის და ტრანზაქციის განხორციელების რეკომენდაცია. მომხმარებელი თანახმაა, რომ პლატფორმა არ არის და არ შეიძლება ჩაითვალოს ტრანზაქციის განხორციელებაზე მისი გადაწყვეტილების მთავარ საყრდენად და WhiteBIT არ არის და არ შეიძლება ჩაითვალოს მომხმარებლის ფინანსურ კონსულტანტად ან ფიდუციურ ნდობით აღჭურვილ პირად. ამ ხელშეკრულების გაფორმებით, მომხმარებელი აღიარებს, რომ მონაცემების, ან პლატფორმის სხვა კონტენტის გამოყენება მხოლოდ მომხმარებლის პასუხისმგებლობაა.

მომხმარებლისთვის ცნობილია და თანახმაა, რომ იმ შემთხვევაში, როცა WhiteBIT მიიღებს გონივრულ სიფრთხილის ზომებს, სათანადოდ მიაწოდოს მომსახურებები და შეასრულოს ამ ხელშეკრულებით ნაკისრი ყველა ვალდებულება, WhiteBIT გათავისუფლდება პასუხისმგებლობისგან ნებისმიერ პირდაპირ ან ირიბ ზარალზე, დაკარგულ მოგებაზე, მონაცემებზე, პლატფორმის გამოყენების შესაძლებლობაზე, ოპერაციულ შეფერხებაზე, საქმიანი რეპუტაციის დაკარგვაზე, მომსახურებების ჩანაცვლების ხარჯებზე ან შეფერხების დროზე, რომელიც მიადგება მომხმარებელს, მის შვილობილ კომპანიებს და სხვა პირს ამ ხელშეკრულების გაფორმების შედეგად, ან მასთან დაკავშირებით, იმ შემთხვევაშიც, თუ მომხმარებელი, მომხმარებლის შვილობილი ორგანიზაცია ან სხვა პირი ადრე არ იყო ინფორმირებული ზარალის ალბათობის შესახებ.

ამ ხელშეკრულების არც ერთი პირობა არ გამორიცხავს და არ ზღუდავს რომელიმე მხარის პასუხისმგებლობას:

თაღლითობაზე ან განზრახ მცდარ განცხადებებზე;

სხვა ქმედებებზე, რომელთა პასუხისმგებლობა არ შეიძლება გამოირიცხოს ან შეიზღუდოს კანონის ძალით.

პლატფორმა შეიძლება შეიცავდეს ბმულებს მესამე მხარის ვებგვერდებზე და გადაამისამართოს მომხმარებლები სხვა ვებგვერდებზე. ამ ვებგვერდებს WhiteBIT არ აკონტროლებს; ამასთან, ბმულების განთავსება არ ნიშნავს, რომ WhiteBIT რეკომენდაციას უწევს ამ ვებგვერდებს. WhiteBIT არ იძლევა გარანტიას და არ ეკისრება პასუხისმგებლობა ამ ვებგვერდების შიგთავსზე, გამოყენების პირობებზე, კონფიდენციალურობის პოლიტიკაზე, კანონიერებაზე, სანდოობაზე, მორალურ სტანდარტებთან შესაბამისობაზე და სხვა ასპექტებზე. მესამე მხარის ვებგვერდებს აქვთ ცალკე და დამოუკიდებელი გამოყენების წესები, პირობები და პოლიტიკა. მომხმარებლები თავად უნდა გაეცნონ თითოეული ვებგვერდის წესებს, პირობებს და პოლიტიკას, რომელსაც სტუმრობენ. მომხმარებელი უნდა დარწმუნდეს, რომ მის მიერ გამოყენებული ვებგვერდები თავისუფალია ვირუსებისგან და მავნე პროგრამებისგან.

ოპერაციის განხორციელებისას მომხმარებელი იღებს პასუხისმგებლობას ტრანზაქციის ყველა რისკზე. ოპერაციების გაუქმებასთან დაკავშირებით WhiteBIT-ის მიმართ პრეტენზია არ დაიშვება. თუ ამ ხელშეკრულებით სხვა რამ არ არის დადგენილი განსაკუთრებული შემთხვევებისთვის, WhiteBIT არ იღებს არც ერთი მხარისგან განაცხადებს ოპერაციების გამოხმობაზე ან/და გაუქმებაზე. 19. ზიანის ანაზღაურება

მომხმარებელი თანახმაა რომ აუნაზღაურებს უკვე დამდგარ ან აარიდებს, და დაიცავს WhiteBIT-ს, მის ფილიალებს და თანამშრომლებს, მოხელეებს, დირექტორებს და აქციონერებს ყველა სახის მოსალოდნელი ზარალისგან , საკუთრების დაზიანების, გარდაცვალების ან სხვა ზიანის შედეგად, რომელიც გამოწვეულია მომხმარებლის (ან ნებისმიერი პირის, რომელზეც მომხმარებელი სამართლებრივად პასუხისმგებელია) დაუდევრობით ან არასწორი ქმედებით.

მომხმარებელი თანახმაა რომ აუნაზღაურებს უკვე დამდგარ ან აარიდებს, და დაიცავს WhiteBIT-ს ნებისმიერი მოსალოდნელი დანაკარგისგან, ზიანისგან, ხარჯებისგან, პრეტენზიებისგან, სამართალწარმოებისგან, ჯარიმისგან, მათ შორის WhiteBIT-ის მიერ გაწეული სასამართლო ხარჯებისგან, რომელიც შემდეგი გარემოებების პირდაპირი ან ირიბი შედეგია:

მომხმარებლის მიერ ვებგვერდის/მომსახურებების/პლატფორმის ბოროტად გამოყენება, ან მომხმარებლის მიერ ვებგვერდის/მომსახურებების/პლატფორმის გამოყენება;

მომხმარებლის უუნარობა სრულად და დროულად შეასრულოს ამ ხელშეკრულებით ნაკისრი რომელიმე ვალდებულება, მათ შორის მომხმარებლის მიერ რომელიმე ტრანზაქციასთან ან ორდერთან დაკავშირებული ვალდებულებების შეუსრულებლობა;

მომხმარებლის ნებისმიერი განცხადება ან გარანტია, რომელიც გაცემულია ამ ხელშეკრულების ფარგლებში, არის ან გახდა ყალბი ან არასწორი;

მომხმარებლის მიერ ნებისმიერი კანონის, წესის, რეგულაციის ან მესამე მხარის უფლებების დარღვევა;

პლატფორმის, მომხმარებლის ანგარიშის გამოყენება ნებისმიერი სხვა პირის მიერ (გარდა იურიდიული პირის უფლებამოსილი წარმომადგენლისა), მომხმარებლის პაროლის ან სხვა მომხმარებლის ანგარიშის მონაცემების გამოყენებით, მიუხედავად იმისა, ცნობილი იყო თუ არა აღნიშნულის შესახებ მომხმარებლისთვის.

20. მარეგულირებელი კანონმდებლობა და დავის გადაწყვეტა

ამ ხელშეკრულებით გათვალისწინებულ საკითხებზე დავის წარმოშობის შემთხვევაში, მხარეები მიიღებენ ყველა შესაძლო ზომას დავის მოლაპარაკების გზით გადასაწყვეტად.

თუ მხარეები მოლაპარაკების გზით ვერ მიაღწევენ შეთანხმებას, ხელშეკრულებასთან დაკავშირებული დავები განსახილველად გადაეცემა თბილისის საქალაქო სასამართლოს.

მხარეები თანხმდებიან, რომ ინფორმაცია დავის შესახებ, მათ შორის (არა მხოლოდ) ინფორმაცია სასამართლოს გადაწყვეტილების შინაარსის შესახებ, კონფიდენციალურია და არ უნდა გაუმჟღავნდეს მესამე პირებს მხარეთა წერილობითი თანხმობის გარეშე, თუ კანონით სხვა რამ არ არის გათვალისწინებული.

21. ინფორმაციის კონფიდენციალობა და გამჟღავნება

მომხმარებელი თანახმაა არ გაამჟღავნოს WhiteBIT-თან ან მის აფილირებულ სუბიექტებთან დაკავშირებული კონფიდენციალური ინფორმაცია, რომელიც მიიღო ამ ხელშეკრულების გაფორმებასთან, ან ამ ხელშეკრულების ფარგლებში ჩატარებულ ნებისმიერ მოკვლევასთან დაკავშირებით და საჭიროების შემთხვევაში, მომხმარებელი ასევე უზრუნველყოფს ამ ვალდებულების შესრულებას მისი მოხელეების, თანამშრომლების და კონსულტანტების მიერ, რომელთაც კონფიდენციალური ინფორმაცია გადაეცათ. ამ მუხლით გათვალისწინებული ვალდებულებები არ ვრცელდება კონფიდენციალურ ინფორმაციაზე, რომელსაც: რომელსაც მომხმარებელი კანონიერად ფლობდა ამ ხელშეკრულების გაფორმებამდე;

მომხმარებელს ნებაყოფლობით გაუმჟღავნდა მესამე მხარის მიერ, თუ ეს პირები არ არღვევენ ინფორმაციის გაუმჟღავნებლობის ვალდებულებას;

ნებაყოფლობით გამჟღავნდა WhiteBIT-ის მიერ;

უკვე საჯაროა.

WhiteBIT არ გაუზიარებს ინფორმაციას ვებგვერდის ან/და პლატფორმის მომხმარებლების ან/და პოტენციური მომხმარებლების შესახებ არც ერთ მხარეს, გარდა მისი წარმომადგენლებისა, შესაბამისი თანამშრომლებისა (პერსონალური მონაცემების დაცვის მოქმედი კანონების და რეგულაციების შესაბამისად) WhiteBIT-ის სტანდარტული საქმიანობის პროცესში, ასევე WhiteBIT-ის საბანკო თუ საკრედიტო ურთიერთობების განხორციელების მიზნით.

WhiteBIT-ს შეუძლია გადასცეს მომხმარებლის პერსონალური მონაცემები სამართალდამცავ ორგანოებს, მონაცემთა დაცვის უწყებებს, სახელმწიფო მოხელეებს, სახელმწიფო ორგანოებს, თუ:

ამას მოითხოვს კანონი;

ამას მოითხოვს სამთავრობო უწყებები სასამართლოში გამოძახების, სასამართლოს გადაწყვეტილების ან სხვა სამართლებრივი პროცედურის საფუძველზე;

WhiteBIT მიიჩნევს, რომ ინფორმაციის გამჟღავნება საჭიროა ზიანის ან ფინანსური ზარალის პრევენციისთვის;

გამჟღავნება აუცილებელია სავარაუდო უკანონო ქმედებების დაფიქსირებისთვის;

გამჟღავნება აუცილებელია ამ ხელშეკრულების ან მოქმედი კანონის დარღვევის გამოსაძიებლად.

კონფიდენციალურობის პოლიტიკას ენიჭება პრიორიტეტი, გარდა ხელშეკრულების ამ მუხლში მოცემული პირობებისა.

ბუნდოვანების გამოსარიცხად, WhiteBit-ს შეუძლია ქვეკონტრაქტორს, კანონიერ წარმომადგენელს, ბუღალტერს, აუდიტორს, სისტემის ადმინისტრატორს და სხვა პერსონალს, სამთავრობო უწყებას, კანონის შესაბამისად გაუმჟღავნოს ნებისმიერი ინფორმაცია, რომელიც გონივრულად საჭიროა ამ შეთანხმებით გათვალისწინებული მოვალეობების შესასრულებლად.

22. შეტყობინებები

გარდა იმ შემთხვევისა, რომელიც პირდაპირი წესით გათვალისწინებულია ამ ხელშეკრულებით და მოქმედი კანონმდებლობით, ყველა შეტყობინება და დოკუმენტი, რომელიც დაკავშირებულია მხარეთა მიერ ამ ხელშეკრულებით ნაკისრი ვალდებულებების შესრულებასთან, უნდა გაიგზავნოს და მხარის მიერ მიღებულად ჩაითვალოს, თუ გაგზავნილია ელექტრონული ფოსტით, ერთ-ერთი მხარის დადასტურებული მისამართიდან მეორე მხარის დადასტურებულ მისამართზე. ეს მისამართებია: მომხმარებლის შემთხვევაში: მომხმარებლის ანგარიშში (პირადი კაბინეტში) მითითებული ელექტრონული ფოსტის მისამართი ან საფოსტო მისამართი;

WhiteBIT-ის შემთხვევაში: ვებგვერდზე მითითებული შესაბამისი ელექტრონული ფოსტის მისამართი, ან ვებგვერდის მართვის კომპანიის საფოსტო მისამართი, რომელიც მითითებულია ვებგვერდზე.

თუ ზემოაღნიშნული დებულების შესაბამისად, რომელიმე შეტყობინება ან მოთხოვნა WhiteBIT-ს მიეწოდება საღამოს 5 საათის შემდეგ ან/და არა სამუშაო დღეს, ასეთი შეტყობინება, მოთხოვნა ან სხვა ინფორმაცია მიწოდებულად და მიღებულად ჩაითვლება მომდევნო სამუშაო დღის დილის 10 საათზე.

WhiteBIT-ს შეუძლია პლატფორმის მეშვეობით მომხმარებელს მიაწოდოს ინფორმაცია, შეტყობინებები და დადასტურებები ორდერებთან, ტრანზაქციებთან, მომსახურებებთან, პლატფორმასთან და მათ გამოყენებასთან დაკავშირებით. ასეთი ინფორმაცია, შეტყობინებები და დადასტურებები ჩაითვლება მომხმარებლის მიერ მიღებულად, როგორც კი მისთვის ხელმისაწვდომი გახდება.

WhiteBIT სოციალური მედია (Facebook, Telegram, Twitter, Medium და სხვ.), რომელთა ბმულები მითითებულია ვებგვერდის მთავარ გვერდზე და ქვედა ნაწილში, წარმოადგენს WhiteBIT-ის ინფორმაციის ოფიციალურ წყაროს.

23. სრული შეთანხმება, ცვლილებები და განუყოფელობა

ეს ხელშეკრულება და მასში მოხსენიებული ნებისმიერი სხვა დოკუმენტი წარმოადგენს მხარეთა შორის სრულ შეთანხმებას და ანაცვლებს ადრე მიღწეულ შეთანხმებებს და პირობებს, რომლებიც ეხება ამ ხელშეკრულების საგანს. თითოეული მხარე აღიარებს, რომ ამ ხელშეკრულების გაფორმებისას არ ეყრდნობა რომელიმე პირის რაიმე განცხადებას ან გარანტიას (მიუხედავად იმისა, არის თუ არა ამ ხელშეკრულების მხარე), გარდა იმ შემთხვევებისა, რომლებიც უშუალოდ მითითებულია ამ ხელშეკრულებაში ან სხვა დოკუმენტებში, რომლებიც ფიქსირდება ამ ხელშეკრულებაში.

WhiteBIT უფლებამოსილია ცალმხრივად შეცვალოს ამ ხელშეკრულების პირობების. ცვლილებები ძალაში შედის ვებგვერდზე შესაბამისი დოკუმენტების ახალი ვერსიის განთავსების დღიდან სამი (3) დღის შემდეგ. მომხმარებელს შესაბამისი ცვლილებების შესახებ ასევე ეცნობება მომხმარებლის ელექტრონულ ფოსტაზე შეტყობინების გაგზავნის მეშვეობით.

ანგარიშის გამოყენებამდე ვებგვერდზე ყოველი მომდევნო ვიზიტისას, მომხმარებელი უნდა გაეცნოს ზემოთ აღნიშნული დოკუმენტების ახალ ვერსიას. ვებგვერდის ან/და პლატფორმის უწყვეტი გამოყენება მომხმარებლის ანგარიშის მეშვეობით ნიშნავს მომხმარებლის მიერ ზემოთ აღნიშნული დოკუმენტების ახალი ვერსიის პირობებზე თანხმობას.

თუ მომხმარებელი არ ეთანხმება ზემოთ აღნიშნული დოკუმენტების ახალი ვერსიების პირობებს, მომხმარებელმა უნდა შეწყვიტოს ვებგვერდით და პლატფორმით სარგებლობა და დახუროს ყველა მიმდინარე ტრანზაქცია.

თუ ამ ხელშეკრულების რომელიმე დებულება ხდება ბათილი, უკანონო ან არააღსრულებადი მოქმედი კანონონმდებლობით, აღნიშნულმა გავლენა არ უნდა იქონიოს ხელშეკრულების სხვა დებულებებზე.

იმ შემთხვევაში, თუ ამ ხელშეკრულების ნებისმიერი დებულება (ან დებულების ნაწილი) არის უკანონო ან არააღსრულებადი, ასეთი დებულება ან მისი ნაწილი ჩაითვლება ბათილად, რაც გავლენას არ მოახდენს ხელშეკრულების დანარჩენ დებულებებზე.

24. კონტროლის გადაცემა

თუ WhiteBIT-ს შეიძენს მესამე მხარე, ან გაერთიანდება მესამე მხარესთან, ან WhiteBIT-ის აქტივებს ან/და საქმიანობას (მთლიანად ან ნაწილობრივ) შეიძენს მესამე მხარე, WhiteBIT იტოვებს უფლებას გადასცეს მომხმარებლისგან მიღებული ინფორმაცია, მათ შორის მომხმარებლის პერსონალური მონაცემები, აღნიშნული შეძენის, შერწყმის, ან კონტროლის გადაცემის ფარგლებში.

მომხმარებელს არ აქვს უფლება ამ ხელშეკრულებით გათვალისწინებული უფლებები და მოვალეობები გადასცეს მესამე მხარეს. ნებისმიერი გადაცემა, რომელიც არღვევს ამ მუხლს, ძალადაკარგულია. WhiteBIT-ს უფლება აქვს ამ ხელშეკრულებით გათვალისწინებული უფლებები და ვალდებულებები (მთლიანად ან ნაწილობრივ) გადასცეს სხვა სუბიექტ(ებ)ს, WhiteBIT-ის აქტივების ან ბიზნესის მთელი ან ნაწილის გადაცემასთან დაკავშირებით WhiteBIT-ის შვილობილი კომპანიისთვის ან რომელიმე მესამე მხარისთვის სულ მცირე (5) ხუთი სამუშაო დღით ადრე შეტყობინების გაგზავნით. ამ ხელშეკრულების გაფორმებით, მომხმარებელი იძლევა უპირობო თანხმობას ზემოაღნიშნულ გადაცემაზე, მომხმარებლის პერსონალური მონაცემების და სხვა ინფორმაციის გადაცემის ჩათვლით, ასევე WhiteBIT-ის მიერ მომხმარებლის ანგარიშზე აქტივების გადარიცხვაზე, როგორც აღნიშნული გადაცემის შემადგენელ ნაწილზე.

25. მონაცემთა ჩაწერა

მომხმარებელი თანახმაა, რომ ნებისმიერი სატელეფონო საუბარი და სხვა კომუნიკაცია მომხმარებელსა და WhiteBIT-ს შორის, WhiteBIT ტექნიკური მხარდაჭერის მომსახურების ჩათვლით, შეიძლება WhiteBIT-ის შეხედულებისამებრ ჩაიწეროს ავტომატური ხმის ჩამწერი მოწყობილობის გამოყენებით ან მის გარეშე. ამასთან, მომხმარებელი უფლებას აძლევს WhiteBIT-ს გამოიყენოს აღნიშნული ჩანაწერები როგორც მტკიცებულება ნებისმიერ დავაში/სარჩელში, ან ნებისმიერ საკითხთან დაკავშირებით, რომელიც უკავშირდება ამ ხელშეკრულებას, მომსახურებებს, ორდერს ან ტრანზაქციას.

მომხმარებელი თანახმაა, რომ WhiteBiT Georgia-ს მომსახურებების მიღება პირისპირ, სათაო ოფისში ან/და ფილიალში ან/და WhiteBIT Georgia-ს გარე პერიმეტრზე ექვემდებარება საქართველოს კანონმდებლობის ნორმატიულ მოთხოვნებს და ხორციელდება უწყვეტი ვიდეო გადაღება სათაო ოფისის/ფილიალის შიდა და გარე პერიმეტრზე, ვიდეოთვალთვალის სისტემით. ვიდეო გადაღების შედეგად მიღებული ციფრული ინფორმაცია (ელექტრონული ინფორმაცია) ინახება სათანადოდ დაცულ ადგილას. WhiteBit-ის შემოწმების ფარგლებში, პროვაიდერის/ფილიალის შიდა და გარე პერიმეტრზე ვიდეოსათვალთვალო სისტემის მიერ ვიდეოს გადაღების შედეგად მიღებული ციფრული ინფორმაციის (ელექტრონული ინფორმაციის) ჩანაწერი გადაეცემა საქართველოს ეროვნულ ბანკს, მოთხოვნის საფუძველზე.

26. დელისტინგი (პლატფორმიდან აღების პოლიტიკა)

WhiteBIT უფლებამოსილია პლატფორმიდან აიღოს ნებისმიერი ვირტუალური აქტივი (მონეტა/ტოკენი) ნებისმიერი მიზეზით.ამ გადაწყვეტილების მიღების შემდეგ, WhiteBIT გაუგზავნის შეტყობინებას მონეტის/ტოკენის ემიტენტს (ან ჯგუფს/იურიდიულ პირს, რომელიც მართავს შესაბამის პროექტს, ან პროექტის შესაბამის მფლობელ(ებ)ს, ან ინიციატორს) პროცედურის დაწყებამდე თორმეტი (14) კალენდარული დღით ადრე.

WhiteBIT მონეტის/ტოკენის აღების გადაწყვეტილებას იღებს შემდეგი კრიტერიუმების/გარემოებების მიხედვით:

მონეტას/ტოკენს აღარ ყავს ჯგუფი, ემიტენტი, გაერთიანება და ა.შ.

ბლოკჩეინი ან მასთან დაკავშირებული ტექნოლოგია დარღვეული ან დეფექტურია, ან აქვს სერიოზული ტექნიკური ან უსაფრთხოების პრობლემები (მათ შორის, თუ აღნიშნული ცნობილი გახდა საჯარო წყაროებიდან);

ახალი მარეგულირებელი სტანდარტების დანერგვის და შესაბამისობის სხვა საკითხების გამო;

მონეტას/ტოკენთან დაკავშირებით არსებობს მნიშვნელოვანი სამართლებრივი პრობლემების ალბათობა, რომლებიც დაკავშირებულია მოქმედ კანონმდებლობასა და რეგულაციებთან შესაბამისობასთან;

WhiteBIT მომხმარებლის ხელშეკრულების ან შესაბამისი ლისთინგის შეთანხმების დარღვევა;

შესაბამისი ლისთინგის ხელშეკრულებით დადგენილ შემთხვევებში;

განმეორებითი საჩივარი (ან საეჭვო აქტივობის შესახებ ანგარიში) მონეტასთან/ტოკენთან დაკავშირებული მომხმარებლებისგან;

თუ აუცილებელია თაღლითობის, მანიპულირების, უსაფრთხოების დარღვევის ან სხვა უკანონო ქმედებების, ჰაკერული თავდასხმების პრევენცია ან/და შეჩერება.

პლატფორმიდან აღების პროცედურის დაწყება ფიქსირდება დეპოზიტების და მონეტით/ტოკენით ვაჭრობის შეჩერებით, მონეტების/ტოკენების გატანის ვადის მითითებით და იმ მომხმარებლების ინფორმირებით, რომლებსაც აღნიშნული მონეტები/ტოკენები აქვთ ანგარიშებზე.

WhiteBIT შეტყობინებებს უგზავნის მომხმარებლებს, რომლებსაც აქვთ ასეთი მონეტები/ტოკენები თავიანთ ანგარიშებზე, ელექტრონული ფოსტით. WhiteBIT ასევე უზრუნველყოფს სოციალურ მედიაში ამის თაობაზე საჯარო შეტყობინების გაკეთებას. მომხმარებლები ვალდებულნი არიან რეგულარულად შეამოწმონ მონეტის/ტოკენის გაუქმების შესახებ განახლებები.

WhiteBIT მომხმარებლებს აძლევს გარკვეულ ვადას, რომელიც მითითებული იქნება გაუქმების შეტყობინებაში, რათა მონეტები/ტოკენები გაიტანონ თავიანთი WhiteBIT ანგარიშებიდან გარე საფულეებში. შეტყობინებაში მითითებული ვადა უნდა იყოს გაგზავნიდან 30 კალენდარული დღე. ვადის ამოწურვის შემდეგ, მომხმარებლები ვეღარ ნახავენ მონეტის/ტოკენის ბალანსს, რომელიც გადის WhiteBIT მომხმარებლის ანგარიშებიდან გაუქმების პროცედურას.

თუ მომხმარებელი არ გაიტანს მონეტებს/ტოკენებს შეტყობინებაში მითითებულ ვადაში, WhiteBIT განახორციელებს აღნიშნული ტოკენების კონვერტაციას სხვა კრიპტო აქტივში - USDT, განათავსებს აღნიშნულ აქტივს მომხმარებლის ანგარიშზე და მომხმარებელს გაუგზავნის შესაბამის შეტყობინებას მომხმარებლის ელ. ფოსტაზე.

WhiteBIT უფლებამოსილია აიღოს მონეტა/ტოკენი პლატფორმიდან შეტყობინებაში მითითებული პერიოდის გასვლის შემდეგ. ამ შემთხვევაში, მონეტის/ტოკენის ტექნიკური მხარდაჭერა (ისევე, როგორც მონეტების/ტოკენების პლატფორმის საფულეში შენახვის ტექნიკური შესაძლებლობა) წყდება და მომხმარებლების ყველა ნაშთი კომპენსაციის გარეშე უქმდება.

WhiteBIT უფლებამოსილია პლატფორმიდან აიღოს მონეტა/ტოკენი მომხმარებლებისთვის გაგზავნილ შეტყობინებაში მითითებული გატანის ვადის გასვლის შემდეგ. ამ შემთხვევაში მონეტის/ტოკენის ტექნიკური მხარდაჭერა (ისევე, როგორც მონეტების/ტოკენების პლატფორმის საფულეში შენახვის ტექნიკური შესაძლებლობა) წყდება და მომხმარებლების ყველა ნაშთი კონვერტირდება USDT-ში.

თუ ტექნიკური ან სხვა ცვლილებების გამო, ან შესაბამის ბლოკჩეინში წარმოქმნილი ტექნიკური პრობლემების გამო (ძირითადი ტექნიკური საკითხები ან განახლებები) WhiteBIT ვერ უზრუნველყოფს (ამ ბლოკჩეინთან დაკავშირებული) ციფრული აქტივების ამოღებას 30 კალენდარული დღის განმავლობაში, WhiteBIT იტოვებს უფლებას შეამციროს აღნიშნული პერიოდი. ამ შემთხვევაში, WhiteBIT-მა მომხმარებლებს უნდა გაუგზავნოს მინიმუმ 3 (სამი) გაფრთხილება, ელექტრონული ფოსტით ან/და სოციალური მედიის ოფიციალური არხებით.

27. ფორს მაჟორი

მხარეები თავისუფლდებიან პასუხისმგებლობისაგან ამ ხელშეკრულებით ნაკისრი ვალდებულებების სრული ან ნაწილობრივი შეუსრულებლობისთვის, თუ ეს გამოწვეულია ფორს-მაჟორით. ფორს-მაჟორი გულისხმობს შემდეგ გარემოებებს: რომლებსაც მხარე ვერ აკონტროლებს; და

რომელიც არ არსებობდა ამ ხელშეკრულების გაფორმების დროს და მხარეს არ შეეძლო მისი გათვალისწინება ხელშეკრულების გაფორმებამდე; და

რომლის წარმოქმნის შემდეგ, მხარეს არ შეეძლო მისი თავიდან აცილება ან გადალახვა; და

რომელმაც პირდაპირი გავლენა მოახდინა მხარის სტანდარტულ მდგომარეობაზე, რომლის დროსაც შეუძლებელი იყო ამ ხელშეკრულებით გათვალისწინებული ვალდებულებების შესრულება; და

არსებითად არ მიეკუთვნება მეორე მხარეს;

ფორს მაჟორი შეიძლება მოიცავდეს (არა მხოლოდ) ქვემოთ მოყვანილ განსაკუთრებულ მოვლენებს ან გარემოებებს: სტიქიური მოვლენები - ხანძარი, წყალდიდობა, მიწისძვრა, აფეთქება, ქარიშხალი, ვულკანის აქტივობა, ომი, საომარი მოქმედებები, შეჭრა, აგრესიის აქტი, მტრული მოქმედება, აჯანყება, ტერორიზმი, ბუნტი, არეულობა, გაფიცვა და ბლოკირება სხვა პირების მიერ (არა მხარეთა თანამშრომლების), ხანძარი ან/და უბედური შემთხვევა, ფეთქებადი მასალები, მაიონიზებელი გამოსხივება ან რადიოაქტიური დაბინძურება და სხვ.

მხარე, რომელიც აღმოჩნდება ფორს-მაჟორულ სიტუაციაში, ვალდებულია დაუყოვნებლივ, ფორს-მაჟორული გარემოების დადგომიდან არაუგვიანეს 5 დღისა, აცნობოს მეორე მხარეს ამის შესახებ. მხარის მიერ მეორე მხარის შეუტყობინებლობის ან/და შეტყობინების დაგვიანების შემთხვევაში, მხარეს ჩამოერთმევა უფლება დაეყრდნოს ფორს-მაჟორს, როგორც პასუხისმგებლობისგან გათავისუფლების საფუძველს. ამავდროულად, მხარემ უნდა მოიყვანოს ვალდებულებების შეუსრულებლობის დამაჯერებელი და ობიექტური მიზეზები.

ფორს-მაჟორის პერიოდში ვალდებულებების შესრულების ვადა გახანგრძლივდება ფორს-მაჟორის ვადით, თუმცა არა უმეტეს 14 დღით. თუ ფორს მაჟორი გაგრძელდება 14 დღეზე მეტს, თითოეულ მხარეს აქვს უფლება შეწყვიტოს ხელშეკრულება.

28. დასკვნითი დებულებები

ეს ხელშეკრულება ძალაშია ერთ-ერთი მხარის მიერ შეწყვეტამდე. მომხმარებელს შეუძლია ნებისმიერ დროს შეწყვიტოს ეს ხელშეკრულება (ამ ხელშეკრულებით გათვალისწინებული შესაბამისი მოთხოვნების შესრულების შემდეგ) მომსახურებების (პლატფორმის) გამოყენების შეწყვეტით და მისი ყველა მოწყობილობიდან პროგრამული უზრუნველყოფის ნებისმიერი კომპონენტის ყველა ასლის წაშლით.

ამ ხელშეკრულებით სპეციალურად გათვალისწინებული შემთხვევების გარდა, WhiteBIT-ს უფლება აქვს ცალმხრივად შეწყვიტოს ეს ხელშეკრულება თავისი შეხედულებისამებრ, მომხმარებლის 30 (ოცდაათი) დღით ადრე ინფორმირების საფუძველზე.

WhiteBit უფლებამოსილია ნებისმიერ დროს განათავსოს შესაბამისი ინფორმაცია ვებგვერდზე ან/და პლატფორმაზე და შეცვალოს ხელშეკრულების ან/და ნებისმიერი პროდუქტის/მომსახურების პირობა (მათ შორის (არა მხოლოდ) პროდუქტის მოქმედების ვადის, ან/და საპროცენტო განაკვეთის, საპროცენტო შემოსავლების, საკომისიოს, ვადაგადაცილების საკომისიოს ან/და სხვა გადასახდელების ოდენობის, მათი დარიცხვის პროცედურა ან/და ვადა). ცვლილებები სავალდებულო ხდება განთავსებიდან 3 სამუშაო დღეში, თუ სხვა ვადას არ განსაზღვრავს WhiteBit ან/და კანონმდებლობა.

თუ ზემოაღნიშნული ცვლილებები/დამატებები ხელსაყრელია მომხმარებლისთვის ან/და არ აუარესებს მომხმარებლის მდგომარეობას ან/და თუ ცვლილებები/დამატებები ვრცელდება ახალ მომსახურებებზე, რომლებიც არ ცვლის ამ ხელშეკრულებით ან მისი დანართებით განსაზღვრულ მომსახურებებს, WhiteBit Georgia არ არის ვალდებული გააკეთოს რაიმე განცხადება ან გაგზავნოს შეტყობინება.

თუ კანონით სავალდებულოა წინასწარ ინფორმირება, ნებისმიერი ასეთი ცვლილება/დამატება ჩაითვლება მომხმარებელთან შეთანხმებულად, შეტყობინების ვადის გასვლის შემდეგ და თუ მომხმარებელი არ აცნობებს WhiteBit-ს, რომ არ ეთანხმება ცვლილებებს/დამატებებს მათ ძალაში შესვლამდე.

ხელშეკრულების ყველა ცვლილება/დამატება წარმოადგენს ხელშეკრულების განუყოფელ ნაწილს.